«Men azamattyǵymdy aýystyrmaımyn» - A. Poltoranın
ASTANA. QazAqparat - Shańǵyshy Alekseı Poltoranın baspasózde shý týdyrǵan óziniń suhbaty jaıly sóz ete kele, oǵan jattyǵý úshin tolyq jaǵdaı jasalmaǵanyn synaǵany bolmasa, Qazaqstannan ketý nemese azamattyǵyn aýystyrý jaıly múlde oılamaǵanyn aıtty, dep jazady «Karavan».
«Men tek Vladımır Smırnovtyń jolymen álem birinshiligine, olımpıadaǵa eýropalyq klýbtyń atynan Qazaqstan týy astynda óner kórsetkim keletinin aıttym», - deıdi sportshy.
Biraq bul oıyn júzege asyrý ońaı sharýa emes ekenin jasyrmaǵan ol óz qolynan demeýshiler izdep, kelissózder júrgizý kelmeıtinin, bar biletini - jattyǵýmen aınalysý ekenin aıtty.
«Azamattyǵymdy aýystyrmaımyn! Men óz Otanymdy, Qazaqstanymdy súıemin! Meniń sózimniń burmalanǵanyna, oıymdy durys jetkize almaǵanyma ókinish bildiremin. Sol úshin kópshilikten keshirim suraımyn», - dedi shańǵyshy.
Esterińizge sala keteıik, «Karavanda» jarııalanǵan sol suhbatta aıtylǵan sózderdi joqqa shyǵarǵan shańǵy sportynan QR Ulttyq quramasynyń múshesi Erdos Ahmadıev Poltoranındi ótirik aıtty dep aıyptaǵan bolatyn.
