«Men áskerde bolǵanda» baıqaýyna ótinimder qabyldaý aıaqtaldy
Qabyldaý komıssııasyna ózderiniń jumystaryn 25-ten asa avtor joldady. Ótinimder Qazaqstannyń túkpir-túkpirinen kelip tústi, dep habarlaıdy QR QM baspasóz qyzmeti.
Konkýrsanttar arasynda QR QK-niń qazirgi áskerı qyzmetshilerimen qatar ár jyldary qazaqstandyq armııada merzimdi qyzmet ótkergenderi, sondaı-aq zapasqa bosatylǵan sardarlar da bar. Qatysýshylardyń mundaı ártúrliligi baıqaýdyń qoǵam arasynda qyzyǵýshylyq týǵyzyp, ár jyldary áskermen baılanysty bolǵandardyń júrekterinen, áskerı qyzmet pen armııanyń tynys-tirshiligi týraly jaqsy biletinder arasynda oryn tapty.
«Men áskerde bolǵanda» shyǵarmashylyq baıqaýyna qatysýǵa áýesqoı jáne kásibı shyǵarmashylyq ujymdar men jeke oryndaýshylar, áskerı qyzmetshiler, merzimdi qyzmet sarbazdary, sondaı-aq 18-den bastap jáne odan úlken jastaǵy qazaqstandyq ásker qatarynda boryshyn ótkergender ótinim bere aldy.
Ótinimderdi qabyldaýdy aıaqtaǵan, quramynda kásibı mýzykanttar, áskerı sala ókilderi bar baıqaý komıssııasy endi barlyq avtorlyq jumystardy qaraýǵa jáne baǵalaýǵa kirisedi. Bul rette oryndaý sheberligi, mátinniń biregeıligi (maǵynasy, sóz saptaýy jáne t.b.), berilgen taqyrypqa áýenniń sáıkes kelýi, sondaı-aq kórermenniń jalpy qabyldaýy eskeriledi.
Baıqaý jeńimpazy úshin QR Qorǵanys mınıstrligi erekshe syı-sııapat daıyndaýda, ıaǵnı, kásibı turǵydaǵy án beınebaıanyn túsirý.