Men árbir match úshin kúrestim jáne óz jeńisime rızamyn - St.Petersburg Open-2010 jeńimpazy, qazaqstandyq tennısshi M.Kýkýshkın
SANKT-PETERBOR. 1 qarasha. QazAqparat /Elena Mıagkova/ - «Men árbir match úshin kúrestim jáne óz jeńisime rızamyn. Bul týrnırda jeńiske jetemin dep oılamap edim. Bul jeńis men úshin mańyzdy oqıǵa», - deıdi St.Petersburg Open-2010 týrnıriniń fınalynda reseılik sportshy Mıhaıl ıÝjnyıdy jeńgen Qazaqstan tennısshisi Mıhaıl Kýkýshkın.
«Men jaman oınaǵan joqpyn, ózime senip, artqy syzyqty baqylap otyrdym. Múmkin Mısha sol kúni ózin oıdaǵydaı sezinbegendikten, jolym bolyp ketken shyǵar. Biraq qarsylasym jaqsy oıyn kórsetkendikten, jeńgenime qýanyshtymyn», - deıdi M.Kýkýshkın.
Esterińizge sala keteıik, fınaldyq oıynda M.Kýkýshkın Reseı sportshysyn eki setkada 6:3, 7:6 esebimen jeńgen bolatyn.
Sankt-Peterborda qol jetkizgen jeńisinen keıin Mıhaıl Kýkýshkın álemdik tennıs dáreje satysynda joǵary kóterildi. «Maǵan 58-shi oryndarǵa tirelesiń dedi. Bıylǵy jyly osylaı alǵa basqanyma óte qýanyshtymyn», - deıdi qazaqstandyq sportshy.
