Men áli-aq jarq etemin – dzıýdoshy Ábıba Ábýjaqynova

ATYRAÝ. KAZINFORM – Parıj Olımpıadasynan Atyraýǵa oralǵan Ábıbı Ábýjaqynova ózine qoldaý bildirgen janashyrlaryna alǵysyn bildirdi.

Dzıýdoshy Ábıba Ábýjaqynova qoldaý kórsetkenderge rızashylyǵyn bildirip, áleýmettik jelidegi paraqshasynda jazba jarııalady. 

«Jyǵylǵanda janymnan tabylǵan janashyrlar, bárińizge rahmet. Atyraý oblysy ákimi Serik Jambyluly myrzaǵa, Infinity mall kompanııasyna, atyraýlyq janashyr-jankúıerlerime kóp rahmet aıtamyn!», - dep jazdy áleýmettik jelidegi paraqshasynda. 

Dzıýdoshy úshin bapkeri Meıirjan Esmaǵambetovtiń orny erekshe ekenin atap ótti. 

«Bapkerim sport mansabymda ózińizdiń ornyńyz erekshe. Jeńiste de, jeńiliste de qasymnan tabylyp, meni bar qurmetke laıyq kórgenińizge rahmet! Osyndaı qoldaýdan keıin meniń synýǵa, jeńilýge, nalýǵa jáne kúrespeýge quqyǵym joq dep oılaımyn! Men áli-aq jarq etemin», -dedi Ábıba Ábýjaqynova. 

Eske sala ketelik, buǵan deıin atyraýlyqtar Parıj Olımpıadasynan oralǵan Ábıba men Esmıgúlge kólik syılaǵanyn habarlaǵan bolatynbyz.