Memtapsyryspen jumys isteıtin medıtsınalyq uıymdar qaǵazsyz formatqa kóshedi
Respýblıkalyq elektrondy densaýlyq saqtaý ortalyǵynyń bas dırektory Oljas Ábishevtiń aıtýynsha, qazirgi ýaqytta dárigerler bir derekti qaǵazǵa, densaýlyq saqtaýdyń aqparattyq júıelerine jáne ishki aqparattyq júıege 3 ret engizip júr.
"Eger dáriger jańa jumys ornyna aýyssa, turǵyndardyń naýqas tarıhyn surastyryp otyrmaıdy. Barlyq málimetti ınternet arqyly JSN men tsıfrlyq qoltańba boıynsha Qazaqstannyń kez kelgen núktesinde, tipti shet memlekette de alýǵa bolady. Qazir tórt pılottyq óńirde qaǵaz túrindegi esep úlgisin alyp tastadyq. Jeke medıtsınalyq aqparattyq júıelermen ıntegatsııa júrgizdik. Dáriger bir ret qana derekterdi engizedi, «bir tereze» arqyly barlyq derekterdi ala alady jáne bul derekter densaýlyq saqtaýdyń aqparattyq júıesine avtomatty túrde túsip otyrady", - dep atap ótti O. Ábishev Astanada Densaýlyq saqtaý salasyn tsıfrlandyrýǵa arnalǵan jınalysta. 
Ortalyq basshysynyń aıtýynsha, Qazaqstanda memlekettik tapsyrys boıynsha jumys isteıtin 900-den astam medıtsınalyq uıym bar.
"900 uıymnyń - 35% "Medıker", "Meıirim" sekildi jeke menshik uıymdar, qalǵany - memlekettik. Barlyq uıymdar 2018 jyldyń sońyna deıin naýqas týraly jazba júrgizýde qaǵazsyz formatqa kóshedi. ıAǵnı, ózińizben ambýlatorııalyq karta, dárigerdiń joldamasyn, dáriler tizimin alyp júrýdiń qajeti bolmaıdy. Barlyq derek sizdiń kýáligińiz ben JSN arqyly qoljetimdi bolmaq", - deıdi O. Ábishev.
Bul úshin ınfraqurylymdyq máselelerdi - kompıýterlik tehnıkamen qamtamasyz etý, ınternet jelisine qoljetimdilik jáne medıtsınalyq aqparattyq júıelerdi engizý máselelerin sheshý kerek.
"Jyl sońyna deıin medıtsınalyq uıymdar kompıýtermen jabdyqtalyp, aqparattyq júıelermen qamtamasyz etiledi. Biraq, shalǵaı aýyldarda ornalasqan medıtsınalyq jáne feldsherlik pýnktterdi ınternet jelisine qosýda qıyndyqtar týyndap otyr. Qazaqtelekommen birlesip, bul máseleni sheshýdi kózdep otyrmyz. Josparǵa sáıkes, 2020 jylǵa deıin barlyq medıtsınalyq jáne feldsherlik pýnktter, ásirese OQO, SQO, ShQO aýyldary ınternet jelisine qosylady. Qazir óńirlerdi eseptep jatyrmyz", - dedi ortalyq basshysy.
Sonymen birge, O. Ábishev patsıenttiń óz densaýlyǵy týraly derekti dárigerge úıden shyqpaı-aq, mobıldi qosymsha arqyly jibere alatynyn málimdedi. Bul sozylmaly aýrýmen aýyratyndar úshin óte tıimdi bolmaq. Odan bólek, qaǵaz kartalar boıynsha jumystardyń eki kezeńde júrgizgiletinin habarlady.
"Bıyldan bastap, naýqastardy tolyq tsıfrlyq formatta qabyldaýdy bastaımyz. Ekinshiden, qaǵazda jazylǵan derekterdi tsıfrlandyramyz. Árıne, derekterdi 100 protsent tsıfrlandyrý múmkin emes. Keı jaǵdaılarda qaǵaz eskirip ketken, keı dárigerlerdiń qoly túsiniksiz. Sýretke túsirý ońaı, al mátindi mashına oqı alatyndaı etip ajyratý qıyn. Bul baǵyt boıynsha da jumysty bastadyq, jyl sońyna deıin qandaı da bir sheshim qabyldanady. Taǵaıyndaýlardy joǵaltyp almaý úshin birneshe nusqany ázirledik, skanerleýdi de, jazba jumystaryn da qatar júrgizip jatyrmyz", - dep sózin túıindedi Oljas Ábishev.