Memorgandardyń málimetter bazasyndaǵy 4,7 mln qate túzetildi - mınıstr

ASTANA. QazAqparat - 2018 jyly memlekettik organdardyń málimetter bazasynda 5 mln qatelik anyqtaldy. Bul týraly búgin Májilistegi «Salyqtyq jáne kedendik ákimshilendirýdegitsıfrlyq tehnologııalar» atty Úkimet saǵatynda Qarjy mınıstri Álıhan Smaıylov aıtty, dep habarlaıdy QazAqparat tilshisi.

Otyrys barysynda Májilis deptýtaty Tatıana ıAkovlevanyń aıtýynsha, áli kúnge deıin azamattar elektrondy úkimet portalyndaǵy, Memlekettik kirister komıtetiniń nemese onyń aýmaqtyq bólimsheleriniń saıtyndaǵy qate málimettermen betpe-bet kelip otyr.

«Ózim de qate tsıfrlarmen betpe-bet kelip qalǵanym bar. Qate málimetter problemasyna azamattar, ásirese, 2018 jyldyń jazynda bankter salyqtyq bereshegi bar klıentterge qyzmet kórsetpeıtindigin týraly norma kúshine engennen keıin tap boldy. Osyǵan baılanysty kóptegen azamattar bank esepshottaryn asha almady, nesıe ala almady jáne ózderiniń qaryzdary joq ekendikterin dáleldeýge májbúr boldy. ıAǵnı, adal salyq tóleýshiler sizderdiń aqparattyq júıelerińizdegi kemshiliktiń tutqynyna aınaldy», - degen depýtat Qarjy mınıstri Álıhan Smaıylovtan bul kemshilikter qashan joıylatyndyǵyn suraǵan edi.

Qarjy mınıstriniń aıtýynsha, atalǵan normany qoldaný barysynda úsh problema anyqtalǵan. Birinshisi - tehnıkalyq. Ekinshisi - ókiletti organdardyń málimetter bazasyndaǵy derekterdiń barynsha ózektendirilmeýi. Úshinshisi - qate rekvızıtter saldarynan salyq tóleýshilerdiń salyqtyq beresheginiń bolýy.

«Ótken jyly bul problemaǵa tap bolǵannan keıin ózektendirý boıynsha aýqmdy jumys júrgizdik. Ótken jyldyń ishinde óte úlken málimetterdi tekserip shyqtyq. Túrli memlekettik organdardyń málimetter bazasynda 5 mıllıonnan astam qatelik anyqtalyp, birlesken jumys barysynda onyń shamamen 4,7 mıllıony ózektendirildi. ıAǵnı, túzetildi. Áli de shamamen 300 myń qatelik bar. Bul qatelikter salyq tóleýshiniń óziniń qatysýymen ǵana túzetiledi. Sondyqtan qazirgi ýaqytta jergilikti atqarýshy organdarmen, sáıkesinshe ókiletti organdarmen birge jyldyń sońyna deıin úı-úıdi aralaýdy josparlaýdamyz. Sebebi salyq tóleýshiniń ózi kelgenin kútý durys ádis emes sııaqty. Jyldyń sońyna deıin bul problemany túbegeıli sheshemiz», - dedi Álıhan Smaıylov.

Buǵan deıin, Májilis depýtaty Gúljan Qaraqusova salyqtyq ákimshileýdegi kemshilikterdi ataǵan bolatyn.