Memorgandardyń qyzmeti týraly halyqty shynaıy habar etýde baspasóz erekshe ról atqarady - Qalmuhanbet Qasymov
ASTANA. QazAqparat - Baılanys jáne aqparat kúni qarsańynda Іshki ister mınıstri Qalmuhanbet Qasymov buqaralyq aqparat quraldary ókilderimen kezdesý ótkizdi. Bul týraly ІІM-niń saıtynan habarlanady.
«Qazaqstannyń ishki ister organdary - bul elimizdiń kóp fýnktsııaly jáne kóp sandy quqyq qorǵaý organdarynyń biri bolyp tabylady. Polıtsııa organdary barlyq qylmystyq isterdiń 90% tergeýdi júzege asyrady, azamattarmen tikeleı qarym-qatynasta qyzmet atqarady, avtokólik resimdeý, ruqsat alý, kóshi-qon qujattary jáne ózge de birqatar máseleler boıynsha tikeleı jumys isteıdi.
Bizdiń negizgi maqsatymyz - bul barynsha ashyqtyqty, jarııalylyqty, sondaı-aq bizdiń qyzmetimizdiń tıimdiligi men kásibıligin qamtamasyz etý. Al azamattardyń senim deńgeıi - bizdiń jumysymyzdyń basty kórsetkishi. Alaıda, BAQ-pen tolyqqandy ózara is-qımylsyz osy mindetti sheshý múmkin emes. Memlekettik organdardyń qyzmeti týraly halyqty shynaıy habar etýde, halyqtyń quqyqtyq sanasyn arttyrýda baspasóz erekshe ról atqarady», - dep atap ótti ishki ister mınıstri.
Mereke qarsańynda ІІM-niń buıryǵymen ishki ister organdarynyń qyzmetin belsendi jarııalaǵany, polıtsııa qyzmetiniń bedeline arttyrǵany úshin, sondaı-aq Baılanys jáne aqparat qyzmetkerleri kúnine baılanysty ártúrli respýblıkalyq basylymdardyń 34 tilshisi marapattaldy.
Saltanatty is-shara barysynda Q.Qasymov marapattalǵan jýrnalısterge gramotalar men estelik syılyqtar tabys etti.
