Memorgandardyń eseptiligin odan ári kúsheıtý máselesi talqylandy

NUR-SULTAN. QazAqparat – «Ashyq bıýdjetterdiń ınteraktıvti kartasyn» damytýdyń jańa tásilderin qarastyrý boıynsha keńes ótti. Bul týraly QazAqparat tilshisi Sybaılas jemqorlyqqa qarsy is-qımyl agenttigine silteme jasap habarlaıdy.

Keńeste Agenttik tóraǵasynyń birinshi orynbasary Oljas Bektenov Kartany iske asyrý tájirıbesi Memleket basshysymen sybaılas jemqorlyqqa yqpal etetin jaǵdaılardy jáne adamı faktordy joıýǵa múmkindik beretin tsıfrlyq sheshim retinde oń baǵalanǵanyn atap ótti.

O. Bektenovtyń aıtýynsha, Karta kez-kelgen basqa tsıfrlyq sheshim sııaqty, ásirese onyń aldyn-alý quramyn kúsheıtý bóliginde únemi jetildirýdi qajet etedi.

Qarjy jáne tsıfrlyq damý mınıstrlikteri ókilderiniń aqparatyna sáıkes, Kartany memlekettik satyp alý jáne «Elektrondyq úkimet» portaldarymen odan ári yqpaldastyrý múmkindigi bar.

Osylaısha, bıýdjettik derekterdi alý protsesterin avtomattandyrý, adamı faktordy boldyrmaý jáne memlekettik organdar qyzmetkerleriniń kartany paıdalanýshylardan kelip túsetin shaǵymdardy qaraý úshin jaýapkershiligin kúsheıtý kózdeledi.

Keńes nátıjesinde qatysýshylar sarapshylyq qoǵamdastyq pen azamattyq qoǵam ókilderin tarta otyryp, Kartany jetildirý boıynsha arnaıy jumys tobyn qurý týraly ýaǵdalastyqqa qol jetkizdi.