Memorgandardyń aqparatyna qoljetimdilikke saraptama jasalady - mınıstr

NUR-SULTAN. QazAqparat – Memlekettik organdardyń ashyqtyq deńgeıin anyqtaý úshin saraptama júrgiziledi. Bul týraly QR Aqparat jáne qoǵamdyq damý mınıstri Aıda Balaeva inbusiness.kz saıtyna bergen suhbatynda aıtty, dep habarlaıdy QazAqparat tilshisi.

«Mınıstr ne ákim, basqarmanyń basshysy mańyzdy emes, árbir basshy óziniń barlyq strategııalyq maqsattary men mindetteriniń halyqqa málim bolǵandyǵyna múddelik tanytýy tıis. Halyqtyń qatysýy jáne jumyldyrylýy – bul sol nemese basqa istiń, sol ne basqa baǵdarlamanyń tabysy», - dedi mınıstr.

Onyń atap ótýinshe, aqparatqa qoljetimdilikke shekteýdiń bolmaýy birinshi basshyǵa baılanysty.

«Osy oraıda bul rejımniń qanshalyqty sozylatyndyǵyn Aqparat jáne qoǵamdyq damý mınıstrligi aıqyndamaıtyndyǵyn atap ótkim keledi. Vırýsty eshkim oılap tapqan joq. Búkil álem qazir qolaısyzdyqty bastan keshirýde. Degenmen, aqparatqa qoljetimdikke qatysty aıtar bolsam, ótken jyldyń sońynda Prezıdent Aqparatqa qoljetimdilik týraly zańǵa túzetýlerge qol qoıdy. Onda Aqparat jáne qoǵamdyq damý mınıstrligi bul salaǵa ókiletti organ retinde aıqyndaldy. Bul túzetýler barlyq memlekettik organda aqparatqa qoljetimdilik úshin jaýapty bólimsheniń jumys isteýin nemese naqty qyzmetkerdiń aıqyndalýyn kózdeıdi. Eger aqparatqa qoljetimdilik jaıynda aıtar bolsaq – bul normatıvtik-quqyqtyq aktilerdiń ashyq portaly, ashyq bıýdjetter, birinshi basshylardyń jeke blogtary, memlekettik organdar saıtynyń tıimdi jumysy. Biz memlekettik organdardyń ashyqtyq deńgeıin anyqtaý úshin saraptama júrgizemiz. Qorytyndysynda Prezıdent atyna saraptamalyq baıandama daıyndaıtyn bolamyz. Bul osy baǵytta birinshi basshylardyń jaýapkershiligin arttyrady»,- dedi Aıda Balaeva.