Memorgandarda ıkemdi jumys kestesi engizildi - Aıgúl Shaıymova
Atap aıtqanda, «Ashyq dıalog» portalynda memlekettik qyzmetshilerdi yntalandyrýǵa qatysty onlaın ınternet-konferentsııa ótip jatyr. Onda memlekettik organdarda aıyna nemese eki-úsh aıda bir ret jumys ýaqytynda ujymmen taza aýaǵa shyǵý jóninde usynys aıtyldy.
«Memlekettik qyzmetshiler únemi kabınette otyryp jumys isteıtin adamdar. Olarǵa aıryqsha is-sharalar aýadaı qajet. Onsyz da jıi ótkizilip otyratyn jınalystardy taza aýada ótkizýden eshqandaı zııan kelmeıdi dep oılaımyn. Osy usynysymdy qabyldaısyz degen úmittemin», - dep usyndy Jazıra Seıtmaǵanbetova esimdi turǵyn.
Óz kezeginde Aıgúl Shaıymova qoldanystaǵy zańnamaǵa sáıkes, ár memlekettik organ derbes túrde, óziniń eńbek tártiptemesi qaǵıdalarynda jumys kestesin, sonyń ishinde jumys ýaqyty men demalys ýaqytynyń rejimin belgileıtinin («Qazaqstan Respýblıkasynyń memlekettik qyzmeti týraly» zańy, 32-babynyń 3-tarmaǵy) atap ótti.
«Mysaly, atalǵan norma aıasynda qazirgi ýaqytta memlekettik qyzmetshilerdiń jeke jáne kásibı ómirlerine yńǵaıly bolý úshin memlekettik organdarda ıkemdi jumys kestesin engizý júrgizildi. Osylaısha, búginge Ádilet, Eńbek jáne halyqty áleýmettik qorǵaý, Densaýlyq saqtaý, Indýstrııa jáne ınfraqurylymdyq damý, Syrtqy ister, Mádenıet jáne sport, Qarjy, sondaı-aq basqa da mınıstrlikterde ıkemdi jumys kestesi engizildi. Osyndaı jumys barlyq óńirlerde jasalýda. Nátıjesinde, memlekettik qyzmetshilerdiń, ıaǵnı ústeme jumystardy joıý sharalarynyń arqasynda jeke ýaqytyn tıimdi uıymdastyryp, ózin damytýǵa, otbasymen ýaqyt ótkizýge jáne densaýlyq máselelerin sheshýge múmkindikteri bar. Sondaı-aq, memlekettik qyzmetshiler arasynda júıeli túrde taza aýada sport sharalary júrgiziledi. Budan basqa, memlekettik organdarynyń ujymdarynda jaǵymdy moraldyq-psıhologııalyq klımat ornatý jáne ádeptilik qaǵıdalaryn ilgerileý maqsatynda ádep jónindegi ýákil ınstıtýty engizildi. Jumys jaǵdaılaryna baılanysty barlyq ózekti máseleler boıynsha ádep jónindegi ýákilge júginýge bolady. Qaıta alǵysymyzdy bildire otyryp, Sizdiń usynysyńyz aldaǵy memlekettik apparatty jetildirý jumystarynda eskeriletin bolady», - dedi Aıgúl Shaıymova.
