Memorgandar jyl sońyna deıin 24 aqparattyq anyqtamany alyp tastaıdy - Asqar Jumaǵalıev
«Áriptesim Erlan Turǵymbaevtyń azamattarǵa taıaýda júrgizýshi kýáligi men tehpasportty ózimen birge alyp júrýiniń qajeti bolmaıtyny týraly aıtqany keshegi kúnniń basty jańalyǵy boldy. Bul shyn máninde, kópten kútken sheshim. Memleket pen azamattyń ózara tsıfrlyq is-qımylyn jaqsartýǵa jasalǵan úlken qadam. Polıtseılerdiń júrgizýshilerden bul qujattardy talap etpeı-aq, onyń bar-joǵyn JSN arqyly tekserýine tehnıkalyq múmkindikter bar», - dep jazdy mınıstr Facebook paraqshasynda.
Onyń atap ótýinshe, qazir Senatta qaralyp jatqan «Tsıfrlyq tehnologııalar týraly» zań jobasy qabyldanǵannan keıin, eGov Mobile mobıldi qosymshasyndaǵy tsıfrlyq qujattar tolyq zańdy kúshke ıe bolyp, qaǵaz qujatpen birdeı qoldanylady. ıAǵnı, siz polıtsııa qyzmetkerine óz kýáligińizdiń tsıfrlyq nusqasyn smartfonnan kórsete alasyz.
«Ázirge mobıldik qosymshada 4 túrli qujattyń tsıfrlyq nusqasy bar: jeke kýálik, balanyń týý týraly kýáligi, neke qııý jáne buzý, atyn, tegin, ákesiniń atyn aýystyrý týraly. Biz memlekettik organdarǵa qosymshada sondaı-aq, stýdenttik kýálik, áskerı bılet, múgedektik týraly kýálik, jyljymaıtyn múliktiń tehnıkalyq pasporty jáne taǵy basqalary bolýy úshin qajetti ıntegratsııany júrgizýdi usyndyq. Bul qujattardyń mobıldik qosymshada tsıfrlyq nusqalarynyń bolýy azamat úshin óte yńǵaıly bolar edi dep oılaımyn», - dedi ol.
Sonymen qatar, mınıstr memlekettik organdardyń azamattan talap etpeı, ózderi ala alatyn anyqtamalardan bas tartýy jumystaryn júrgizip jatqanyn aıtty.
«Jospar boıynsha, memlekettik organdar jyl sońyna deıin 24 aqparattyq anyqtamany alyp tastaýǵa ýáde berdi. Ol úshin olar óz ıntegratsııasyn aıaqtaýy, sondaı-aq óz reglamentteri men NQA-ny ózgertýi tıis. Ómirimizge qajetti qaǵaz qujattar sanynyń azaıatyny qýantady. Taǵy qandaı qujattardy tsıfrlaý qajet dep oılaısyz?», - dedi Asqar Jumaǵalıev.
