Memorgandar jeńildikter berý kezinde esepke alynbaǵan salyqtyq táýekelder úshin jaýapty bolmaq
ASTANA. KAZINFORM — Elimizde salalyq qoldaý sharalaryn usyný barysynda týyndaıtyn fıskaldyq táýekelder úshin mınıstrlikter men memlekettik organdardyń jaýapkershiligin bekitý josparlanyp otyr. Bul týraly Memlekettik kirister komıtetiniń tóraǵasy Jandos Dúısembıev málim etti.
Onyń aıtýynsha, Úkimet kóleńkeli ekonomıkamen kúres barysynda aldyn alý sharalaryn qabyldap jatyr.
— Bıyl Úkimet keshendi jospardy bekitedi. Onda árbir memlekettik organnyń salyqtyq táýekelder úshin salalyq jaýapkershiligi naqty bekitiledi. Kez kelgen salalyq mınıstrlik qandaı da bir jeńildikter nemese memlekettik qoldaý sharalaryn usynbas buryn, salyqtyq táýekelderdi baǵalaýy tıis dep sanaımyz, — dedi ol salyqtyq ákimshilendirý taqyrybynda ótip jatqan konferentsııa barysynda.
Komıtet basshysy bul tásil memlekettik organdardyń bolashaqta teris saldarǵa ákelýi múmkin qoldaý sharalaryn qabyldaýyna jol bermeıtinin atap ótti.
Buǵan deıin elimizde 910 nysandaǵy jeńildetilgen salyq deklaratsııasyn aldyn ala toltyrý servısin engizý josparlanyp otyrǵanyn jazǵan edik.
