Memorgandar usynatyn statıstıkalyq málimetterdiń rastyǵyn kim tekseredi
Aıta ketsek, Parlament Májilisiniń búgingi otyrysynda QR Ulttyq ekonomıka birinshi vıtse-mınıstri Rýslan Dálenov statıstıka týraly jańa zań jobasyn tanystyrǵan bolatyn. Zań jobasyn talqylaý barysynda Parlament Májilisiniń depýtaty Quralaı Qareken vıtse-mınıstrge suraq qoıyp, statıstıkalyq málimetterge kópshiliktiń kúmánmen qaraıtynyn ashyp aıtty.
«Statıstıkalyq málimetter aldaǵy ýaqytta ártúrli salada nebir josparlardyń, bıýdjettik bólinistiń negizi bolatyny daýsyz. Memlekettik organdardyń, jergilikti atqarýshy organdardyń málimet berý kezindegi jaýapkershiligin kóterýimiz kerek. Olardy kim baqylaıdy? Tipti búginge deıin úsh aýysymdy nemese apattyq mektepterdiń sany azaıatyn emes. Balabaqshamen qamtý turǵysynan naqty kórsetkish joq. Munyń bári kezinde durys berilmegen málimetterdiń keseli. Eger shynaıy kórsetkishter berilse, salynǵan aýqymdy ári zor aýrýhanalar men mektepter bos qalmas edi. Osy jańashyldyqtar statıstıkalyq málimetterdiń sapasyn qanshalyqty ósiredi?», - deıdi májilismen.
Depýtattyń saýalyna jaýap bergen Rýslan Dálenov mınıstrliktiń mindeti, eń aldymen - sapa ekenin jetkizdi.
«Sapanyń alǵysharttaryn ázirleıtin quraldardy jasap jatyrmyz. Bári de qamtylyp, aqparattandyrý qolǵa alynady. Máselen, burynǵydaı qaǵaz ustap alys aýdanǵa sabyltpaı, turǵyndarmen telefon arqyly saýalnama júrgiziledi. ıAǵnı, alys aýdanǵa baryp júrý shyǵyny qysqartylady. Telefon arqyly kez kelgen túkpirge qońyraý shalyp, sondaǵy turǵyndardan saýalnama alýǵa bolady», - deıdi ol.
Vıtse-mınıstr salynýy salynyp, bos qalǵan nysandar týraly suraqty aqparatty berip otyrǵan josparlaýshy adamnan suraý kerektigin aıtady.
«Jumys toby statıstıkalyq málimetterdiń shynaıylyǵyn tekserýdi qolǵa alady. Bul baǵyttaǵy jumysty kúsheıtý kerek», - dep túıdi Rýslan Dálenov.
