Memorgandar satyp alatyn qyzmettik kólikterdiń ortasha quny qandaı

NUR-SULTAN. QazAqparat - Elimizdiń memlekettik organdary qyzmettik kólik satyp alýǵa qansha qarajat jumsaıtyndyǵy belgili boldy. Ony QR Qarjy mınıstrligi Memlekettik satyp alýlar zańnamasy departamentiniń dırektory Sábıt Ahmetov jarııa etti, dep habarlaıdy QazAqparat tilshisi.

«Jeńil avtomobılderdiń ortasha quny 4,6 mln teńgeni quraıdy. Bul ádette orta sanattaǵy, «V« sanatyndaǵy kólikter bolyp keledi. Bıyl Memleket basshysynyń tyıym salýyna baılanysty týyndaǵan shekteýlerge oraı avtokólik satyp alý ótken jylǵa qaraǵanda úsh esege qysqardy»,- dedi ol Ortalyq kommýnıkatsııalar qyzmetindegi baspasóz máslıhatynda.

Departament basshysynyń atap ótýinshe, 2019 jyly memlekettik satyp alýlar aıasynda 4,5 myń avtokólik quraly satyp alynǵan.

«Onyń ishinde shamamen 15 mlrd teńge jeńil avtokólik satyp alýǵa jumsalǵan. Qalǵany kommýnaldyq qymetke arnalǵan arnaıy tehnıkalardy, ıaǵnı traktor, býldozer, tazalyqqa arnalǵan kólik quraldaryn satyp alýmen baılanysty», - dedi Serik Ahmetov.