Memorgandar paıdasyna tárkilengen qymbat múlikter berilmeýi múmkin

ASTANA. QazAqparat – Memlekettik organdar paıdasyna tárkilengen qymbat múlikterdi berýge tyıym salynýy múmkin. Bul týraly QR Premer-Mınıstriniń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.

Búgin Senatta ótken baspasóz máslıhatynda tilshiler mınıstrden Bas prokýratýraǵa berilgen kólik jaıynda suraq qoıdy.

«Jaqynda Bas prokýratýraǵa quny 50 mln teńgeden asatyn Lexus markaly tárkilgen avtokólik berilgen. Qarjy mınıstrligi mundaı qymbat múlikke qatysty erejeni ózgertýi múmkin be», - dep surady tilshiler.

Óz kezeginde E. Jamaýbaev bul máselege qatysty mınıstrlik tıisti erejeni qaıta qaraıtynyn aıtty.

«Atalǵan kólikke qatysty málimetti qarap shyqtym. Osy oraıda Memlekettik múlik jáne jekeshelendirý komıtetine tıisti tapsyrma berdim, ıaǵnı atalǵan ereje qaıtadan qaralady», - dedi Qarjy mınıstri.