Memorgandar men qoǵam arasyndaǵy baılanysty nyǵaıtý kerek - Erlan Ábil
NUR-SULTAN. QazAqparat - Bul týraly elordada ótken «Otbasy ınstıtýtyn damytý: Qoǵam, bıznes, memleket» taqyrybyndaǵy koých-sessııada aıtyldy, dep habarlaıdy QazAqparat tilshisi.
«Bul jerde memlekettik organ qyzmetkerleri, akademııanyń (QR Prezıdenti janyndaǵy Ulttyq joǵary memlekettik basqarý mektebi) magıstrleri men doktaranttary otyr. Shaqyrtýymyzdy qabyl alǵandaryńyz úshin raqmet. Osy jerde sýıtsıdti, zorlyq-zombylyq sııaqty faktilerdi azaıtý úshin qandaı sharalar qoldanýǵa bolatyny týraly sheshim qabyldanady», - dedi QR Prezıdenti janyndaǵy memlekettik basqarý akademııasynyń rektory Erlan Ábil.
Ol bul sharadan qandaı nátıje kútetinin aıtty.
«Halqymyzda «El bolamyn deseń - besigińdi túze» degen sóz bar. Besikti túzemeı, jarqyn bolashaqqa baramyz dep aıta almaımyz. Bul sharada jaqsy pikirtalas bolyp, onyń nátıjesi memlekettik organdar men bıznes, qoǵam arasyndaǵy baılanysty nyǵaıtady dep oılaımyn», - dedi ol.
Eske sala ketsek, buǵan deıin atalǵan koých-sessııada elimiz otbasylyq qundylyqtardy damytatyn ınstıtýttarǵa muqtaj ekeni aıtylǵanyn jazǵan bolatynbyz.
Avtor: Zarına Qaharman
