Memorgandar men ákimdikter janynda etıka boıynsha ókiletti ókil paıda bolady
«Etıkalyq normalardy saqtaý boıynsha monıtorıng pen baqylaýdy etıka jónindegi ókiletti ókil qamtamasyz etedi. Bul ortalyq memlekettik organdarda, sonymen qatar óńirlik deńgeıde, ıaǵnı oblys jáne Astana mene Almaty ákimdikteri apparattarynda engizilgen jańa ınstıtýt»,-dedi A. Shaıymova.
Vıtse-mınıstrdiń aıtýynsha, bul qyzmet óz áriptesteri arasynda bedelge ıe adamdarǵa júkteledi. Olar memlekettik qyzmetkerlerge memlekettik qyzmet týraly zańnamany qoldaný máseleleri boıynsha qyzmetkerlerge keńes berip, olardyń quqyqtaryn basshylardyń aldynda qorǵaý, sondaı-aq ujymdaǵy moraldyq-psıhologııalyq ahýaldy zertteıtin bolady.
«Moraldyq-psıhologııalyq ahýaldyń monıtorıngi maqsatynda etıka boıynsha ókilettiler jasyryn saýalnama júrgizedi. Onyń aıasynda «Jumysyńyzdy qalaı baǵalaısyz?», «Qyzmetińiz unaıy ma?» jáne taǵy basqa saýaldar qoıylady. Sonymen qatar, áriptesteri arasynda eń joǵary syı-qurmetke ıe adamdardyń esimin ataý usynylady. Osy saýalnamanyń qorytyndysy boıynsha jaǵdaıǵa taldaý jasalady»,-dedi ol.