Memorgandar quqyqtyq ekiushtylyqty joıý sharalaryn proaktıvti túrde qabyldaýǵa tıis - KS
ASTANA. KAZINFORM – Memlekettik organdar konstıtýtsııalyq is júrgizý bastalǵanǵa deıin quqyqtyq túsiniksizdikter men ekiushtylyqty joıý sharalaryn proaktıvti túrde qabyldaýǵa tıis. Bul týraly Parlament palatalarynyń birlesken otyrysynda Konstıtýtsııalyq sot tóraǵasy Elvıra Ázimova aıtty.
- Joldaýda zań shyǵarý bastamasy aıasynda birneshe máselege nazar aýdarýdy da usynamyz. Bul jumysta tıimdilikke qol jetkizý úshin memlekettik organdarmen syndarly ózara is-qımyl jasaý mańyzdy ekenin túsinemiz, - dedi Elmıra Ázimova.
Osy turǵyda Konstıtýtsııalyq sot tóraǵasy Úkimettiń óz reglamentinde Konstıtýtsııalyq sot sheshimderiniń oryndalýyn úılestirý jónindegi fýnktsııany Ádilet mınıstrligine bekitý týraly sheshimi oń sheshim bolǵanyn aıtady.
- Sonymen birge, memlekettik organdardyń ózderi konstıtýtsııalyq is júrgizý bastalǵanǵa deıin quqyqtyq túsiniksizdikter men ekiushtylyqty joıý sharalaryn proaktıvti túrde qabyldaýǵa tıis. Bul, ásirese, tsıfrlandyrýdy jáne memlekettik basqarý protsesinde jasandy ıntellekt múmkindikterin paıdalaný jaǵdaıynda mańyzdy, - dedi ol.
Buǵan deıin Elvıra Ázimova Konstıtýtsııalyq sotqa azamattardan jıi túsetin ótinishterdi ataǵan edi.
Sondaı-aq onyń aıtýynsha, Konstıtýtsııalyq sot qyzmetine kiriskennen beri 400-ge jýyq qaýly qabyldady.