Memorgandar arasynda «Depýtattyq saýal» atty chat iske qosyldy

ASTANA. QazAqparat – Memlekettik organdar arasynda «Depýtattyq saýal» atty jalpy chat iske qosyldy. Bul týraly QR Premer-Mınıstri Álıhan Smaıylovtyń Senat depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Qazaqstan Respýblıkasynyń Parlamentimen tıimdi qarym-qatynas jasaý Úkimettiń zań shyǵarý qyzmetiniń mańyzdy bóligi bolyp tabylady. Depýtattyq saýaldarda kóteriletin máselelerdiń ózektiligin eskere otyryp, olardy sapaly qarastyrý máseleleri Úkimettiń turaqty baqylaýynda. Premer-Mınıstr qol qoıǵanǵa deıin tıisti vıtse-premerlerdiń jaýaptardy tikeleı maquldaý tájirıbesi engizildi. Sondaı-aq depýtattyq saýaldarǵa jedel jaýap berý maqsatynda memlekettik organdar arasynda «Depýtattyq saýal» atty jalpy chat iske qosyldy», - dedi Álıhan Smaıylov jaýabynda.

Onyń atap ótýinshe, Úkimettiń quramyna kiretin memlekettik organdardyń birinshi basshylaryna muqııat pysyqtalǵan, tolyq jaýap daıyndaý máselesin baqylaýda ustaý tapsyryldy.

«Sondaı-aq memlekettik organdarǵa saýaldardyń bastamashylarymen qarym-qatynas ornatý jáne kóterilgen máselelerdi sheshýdiń naqty joldaryn usyný, qajet bolǵan jaǵdaıda birlesip talqylaý jóninde tapsyrma berildi», - dedi Úkimet basshysy.