Memorgandar aqparattyq júıelerdi baqylaý servısine qosýdy aıaqtaýy tıis - Bektenov

ASTANA. KAZINFORM – QR Premer-mınıstri Oljas Bektenov Memlekettik organdarǵa osy jyldyń sońyna deıin barlyq aqparattyq júıelerdi derbes derekterge qoljetimdilikti baqylaý servısine qosýdy aıaqtaýdy tapsyrdy.

Олжас Бектенов
Фото: Солтан Жексенбеков / Kazinform

— Aqparattyq júıelerdiń isten shyǵý faktileri oryn bolyp jatyr. Mundaı jaǵdaılar elektrondyq úkimet pen halyqqa qyzmet kórsetý ortalyqtarynyń jumysyn ýaqytsha shekteýge ákep soǵady. Osyǵan baılanysty serverlik jabdyqtar men baǵdarlamalyq qamtamasyz etý júıesin jetildirý baǵytynda qosymsha sharalar qabyldaýdy tapsyramyn. Egov ınfraqurylymy 24/7 rejıminde minsiz jumys isteýge tıis. Kórsetiletin onlaın qyzmetterdi odan ári arttyrý úshin joǵary jyldamdyqty ınternettiń jappaı qoljetimdi bolýyn qamtamasyz etken jón. Bul turǵylyqty jerine qaramastan barlyq azamattardyń elektrondyq memlekettik qyzmetti tolyq alýyna múmkindik beredi. Memlekettik qyzmetti onlaın formatqa kóshire otyryp memlekettik bıýdjet shyǵyndaryn ońtaılandyrý qajet, - dedi ol.

Sondaı-aq Oljas Bektenov memlekettik organdarǵa tsıfrlyq qaýipsizdikti qamtamasyz etý týraly tapsyrma berdi.

— Derbes derekterdi qorǵaý men tsıfrlyq qaýipsizdikke basa nazar aýdarǵan jón. Memlekettik qyzmet kórsetý protsesinde ortalyqtandyrylǵan monıtorıngtiń bolmaýy derekterdiń taralyp ketý qaýpin arttyryp, ınternet alaıaqtyǵynyń kóbeıýine ákelip soǵady. Memlekettik organdarǵa osy jyldyń sońyna deıin barlyq aqparattyq júıelerdi derbes derekterge qoljetimdilikti baqylaý servısine qosýdy aıaqtaýdy tapsyramyn, - dedi Úkimet basshysy.

Osyǵan deıin Jaslan Mádıev eGov portalyn jańǵyrtý jumystary qalaı júretinin aıtyp bergen edi.

 

Сейчас читают