Memorgandaǵy bıýrokratııa: Ekologııa mınıstrliginde 4 basshyǵa 1 oryndaýshy bary anyqtaldy
ASTANA. KAZINFORM – Ótken jyly Memlekettik qyzmet isteri agenttigi birneshe mınıstrliktiń qyzmetine taldaý jasady. Onyń arasynda Ekologııa jáne tabıǵı resýrstar mınıstrligi de bar.
«Bıýrokratııanyń birinshi belgisi - basqarý qurylymy men shtat sanynyń jetkiliksizdigi nemese artyq bolýy. Memlekettik organdarda basshylyq laýazymdardyń artyq bolýy jıi kezdesedi. Bul basshylyq quramǵa júktemeni azaıtýǵa, basqarýdyń tıimdiligi men jedeldigin tómendetýge, jaýapkershiliktiń naqty emestigine jáne qyzmetshilerdi yntalandyrýda qarjylyq múmkindikterdi qysqartýǵa yqpal etedi», - dedi Memlekettik qyzmet isteri agenttigi tóraǵasynyń orynbasary Salaýat Múksimov Ortalyq kommýnıkatsııalar qyzmetinde ótken baspasóz máslıhatynda.
Spıker mysal retinde Ekologııa jáne tabıǵı resýrstar mınıstrligin keltirdi. Atalǵan vedomstvonyń ortalyq apparatynda shtat sany - 122 birlik. Onyń ishinde 61 laýazymdy basshy jáne 61 oryndaýshy bar. ıAǵnı, laýazymdy basshylar men oryndaýshylardyń sany teńbe-teń.
«Ekologııa mınıstrligi qurylymynda bólek departament bar, onda araqatynas 4:1, ıaǵnı, 4 basshy jáne 1 oryndaýshy. Atap aıtqanda, dırektor, dırektordyń orynbasary, basqarmanyń eki basshysy jáne osynyń bárine bir ǵana sarapshy bar», - dep túsindirdi Salaýat Múksimov.
