Memorgan basshylary endi ózderi qalaǵan qyzmetshiniń laýazymyn ósire almaıdy - A.Shaımova

ASTANA. QazAqparat - Memlekettik organ basshylary ózi qalaǵan qyzmetshisiniń laýazymyn joǵarylata almaıdy. Bul týraly búgin Úkimet úıinde ótken brıfıngte QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaımova aıtty, dep habarlaıdy QazAqparat.

«Buǵan deıin qyzmetshi qajetti jumys ótilinsiz-aq mansap satysymen aýysa beretin. Ádette mundaı jaǵdaıda basshylar ózderi qalaǵan adamdaryn jıi kótermeleıdi. Bul árıne, qyzmetshilerdiń yntasyn tómendetip, memlekettik qyzmettegi keleshegine degen teris qarym-qatynasty qalyptastyrady. Al qazirgi mansap modeli bul problemany sheshti. Óıtkeni, qazirgi ýaqytta biz aǵaıynshylyqtyń túbegeıli joıylǵanyn kórip otyrmyz. Endigi ýaqytta joǵary laýazymǵa ilgerileý úshin mindetti túrde tómengi satydaǵy laýazymda keminde 1 jyl jumys ótili bolýy qajet. Buǵan qosa, laýazymy kótermelenetin adamnyń sáıkesinshe daǵdysy men quzireti bolýy tıis», - dedi ol.

Onyń dereginshe, bul ádis engizilgennen keıin tómengiden joǵary laýazymǵa aýysqan tulǵalardyń sany 4,5 ese ósken. Mundaı jaıtqa ishki konkýrs ınstıtýtyn engizý de óz septigin tıizip otyr.

«ıAǵnı, eń birinshi kezekte bos jumys ornyna konkýrsty jarııalaǵan sol memlekettik organnan kandıdat qaralady. Kandıdattar bolmaǵan jaǵdaıda basqa memlekettik organdardyń qyzmetshileri iriktep alynady. Osydan keıin ǵana jalpy konkýrs ótkiziledi. Oǵan barlyq nıet tanytýshy qatysady. Búgingi kúni jumys istep júrgen qyzmetshilerdiń taǵaıyndalýy ózge sektordan memlekettik qyzmetke kelýshilerden 2 ese artyq. Buǵan qosa, aýysyp kelý sany 18 esege azaıdy. ıAǵnı, konkýrstan tys taǵaıyndaý tómendedi», - dedi agenttik tóraǵasynyń orynbasary.