Memlektetik satyp alý týraly jańa zańnyń jobasy Parlamentke kúzde túsedi

ASTANA. QazAqparat – QR Premer-Mınıstriniń birinshi orynbasary – Qarjy mınıstri Erulan Jamaýbaev Memlektetik satyp alý týraly jańa zańnyń jobasy qandaı problemalardy sheshýge baǵyttalǵanan atady, dep habarlaıdy QazAqparat tilshisi.

«Memleket basshysynyń tapsyrmasy boıynsha «Memlekettik satyp alý týraly» jańa zań jobasy ázirlenip jatyr. Ol satyp alynatyn jumystardyń, taýarlar men qyzmetterdiń sapasyn jaqsartýǵa, protsesti jeńildetýge jáne satyp alý rásimderiniń ıkemdiligin arttyrýǵa, otandyq taýar óndirýshilerdi qoldaýǵa baǵyttalǵan», - dedi mınıstr.

Qarjy mınıstri zań jobasyn bıyl kúzde Parlamenttiń qaraýyna engizý josparlanyp otyrǵanyn aıtty.

«Memlekettik aýdıttiń elektrondyq segmentin keńeıtý jumystary jalǵasýda. Bul rette táýekelderdi basqarý júıesi jetildirilip jatyr. Oǵan jańa 68 táýekel ındıkatory engizildi jáne kvazımemlekettik sektordyń 8 myń sýbektisi boıynsha málimetter alyndy», - dedi Erulan Jamaýbaev.

Vedomstvo basshysy bıýdjetti onlaın rejımde monıtorıngileý jobasy iske asyrylyp jatqanyn, sol arqyly memlekettiń shyǵystaryn josparlaýdaǵy táýekelderdi basqarý júıesi avtomattandyrylatynyn aıtty.

«Bul bizge bıýdjetti josparlaý deńgeıinde kameraldyq baqylaýdy engizýge múmkindik beredi», - dep túsindirdi Erulan Jamaýbaev.