Memlekettiń salyq jınaý qabileti nege nasharlap ketti – Erulan Jamaýbaevtyń jaýaby

ASTANA. KAZINFORM — Ulttyq bank tóraǵasynyń orynbasary Erulan Jamaýbaev Qarjy mınıstrliginiń salyq jınaý qabileti týraly pikir bildirdi. 

— Keıingi eki jylda salyq jınaý kólemi qatty azaıyp ketkeni aıtylyp júr. Burynǵy Qarjy mınıstri retinde aıtyńyzshy, vedomstvo siz basqarǵan kezden nashar jumys istep jatyr ma, álde qazir problema ashyq aıtylyp júr me, — dep surady BAQ ókili.

Mınıstr salyq túsiminiń jyldan-jylǵa azaıýy júıelik problema ekenin atap ótti.

— Ol endi búgin ǵana týyndap otyrǵan problema emes qoı. Ekonomıkalyq reforma júrgizilip jatqanyna birneshe jyl boldy. Bıýdjet, salyq reformasy júrip jatyr. Jaqynda jańa Bıýdjet kodeksin qabyldadyq. Reformany keıinge shegere bersek, jaǵdaı jaqsarmaıdy. Bul jerde bir adamnyń nemese bir mınıstrliktiń kinási dep aıtýǵa bolmaıdy. Jyl saıyn salyq túsimderiniń dınamıkasy azaıyp kele jatyr. Onyń bári durys emes. Sondyqtan bir balansqa kelýimiz kerek, — dedi ol.

Aıta keteıik, búgin Májilis Salyq kodeksiniń jańa jobasyn birinshi oqylymda maquldady.