Memlekettik-jekemenshik áriptestik jobalaryn daıyndaý qorlary qurylady
ASTANA. KAZINFORM — Memlekettik-jekeshilik áriptestik jobalardy daıyndaý qorlary qurylady. Bul týraly Úkimet otyrysynda Premer-Mınıstrdiń orynbasary – Ulttyq ekonomıka mınıstri Nurlan Baıbazarov aıtty.
«Memlekettik-jekeshilik áriptestik jobalaryn josparlaý jáne iske asyrý sapasyn arttyrý maqsatynda Memlekettik-jekeshilik áriptestik jobalardy Halyqaralyq qarjy uıymdarymen birge Daıyndaý qorlaryn qurý máselesi pysyqtalýda. Aýqymdy memlekettik-jekeshilik áriptestik jobalaryn «tolyq daıyn» pýlyn qalyptastyrý máselesi 2029 jylǵa deıingi Ulttyq ınfraqurylymdyq jospardy iske asyrýmen ózara baılanysta keshendi túrde qaralatyn bolady», - dedi Nurlan Baıbazarov.
Onyń atap ótýinshe, densaýlyq saqtaý jáne bilim berý salalary úshin memlekettik-jekeshilik áriptestik jobalary boıynsha jekelegen normatıvter men erejeler qalyptastyrylady.
«Atap aıtqanda, medıtsınalyq obektiler men orta bilim berý uıymdaryn qurý jónindegi memlekettik-jekeshilik áriptestik tásilderi jan basyna shaqqandaǵy normatıvterdi tóleý esebinen ınvestordyń shyǵyndaryn óteýin qarastyratyn sharalardy kózdeıtin bolady. Sondaı-aq, josparlaý protsesin jeńildetýge jáne júıeleýge bolatyn úlgilik jobalar boıynsha «Baǵdarlamalyq memlekettik-jekeshilik áriptestikti» qoldaný jalǵastyrylady», - dedi ol.
