Memlekettik jáne dıplomatııalyq qyzmetkershilerdiń shetelge saparyna qatysty baqylaý kúsheıdi

ASTANA. KAZINFORM — Qazaqstanda memlekettik qyzmetshilerdi sheteldik mekemelerge issaparǵa jiberý erejeleri ózgerdi. 

Úkimet 2025 jylǵy 18 tamyzdaǵy qaýlysymen «Qazaqstan Respýblıkasynyń memlekettik qyzmetshilerin, dıplomatııalyq qyzmet personalyn jáne Ulttyq bank qyzmetkerlerin issaparǵa jiberýdiń keıbir máseleleri týraly» qaýlysyna ózgerister engizdi.

Sheteldik mekemelerge issaparǵa jiberý kelesideı júzege asyrylady:

— QR Prezıdenti — memlekettik qyzmetshilerge jáne Ulttyq banktiń qurylymdyq bólimsheleriniń basshylaryna qatysty (S-2 sanaty jáne odan joǵary laýazymdarǵa úmitkerler úshin);
— QR Prezıdenti Ákimshiliginiń basshysy — osy tarmaqtyń 1) tarmaqshasynda kórsetilmegen adamdarǵa qatysty.

Sheteldik mekemelerge issaparǵa jiberilýi múmkin tulǵalar:

— Memlekettik organnan memlekettik qyzmetshiler, Ulttyq bank qyzmetkerleri, memlekettik qyzmetshiler úshin — joldaýshy memlekettik organdaǵy memlekettik qyzmet ótili keminde úsh jyl (saıası memlekettik qyzmetshilerge qatysty — joldaýshy organdaǵy saıası laýazymda keminde alty aı mindetti ótil);
— Ulttyq bank qyzmetkerleri úshin — osy uıymdaǵy eńbek ótili keminde úsh jyl;
— QR zańnamasynda sheteldik mekemedegi laýazymǵa qoıylatyn biliktilik talaptaryna saı keletin;
— tártiptik jazaǵa tartylmaǵan;
— ýaqytsha mindetin atqarýshy nemese ýaqytsha joq qyzmetkerdi almastyrýshy emes;
— sońǵy 8 toqsan qatarynan «qyzmettik mindetin tıimdi oryndaıdy» degen qyzmet nátıjesin alǵan (osy tarmaqtyń 2 jáne 3-bóliginde kórsetilgen kandıdattardan basqa).

Áskerı qyzmetshi, quqyq qorǵaý nemese arnaýly memlekettik organ qyzmetkeri sońǵy attestatsııa qorytyndysy boıynsha attestatsııalyq komıssııanyń oń sheshimi bolǵan jaǵdaıda issaparǵa jiberilýi múmkin. 

Ulttyq bank qyzmetkeri sońǵy 2 jyldaǵy negizgi fýnktsıonaldyq tıimdilik kórsetkishteri boıynsha keminde 80% nátıjege qol jetkizgen jaǵdaıda issaparǵa jiberiledi.
Barlyq kandıdat QR sheteldik mekemesine issaparǵa jiberýge jazbasha kelisim berýi tıis.

Memlekettik qyzmetshini, Ulttyq bank qyzmetkerin issaparǵa jiberý týraly usynys kelisilgen jaǵdaıda, joldaýshy memlekettik organ úsh jumys kúni ishinde qujatty qosa tirkeı otyryp, ýákiletti organ hatynyń kóshirmesimen birge ýákiletti tulǵalarǵa negizdelgen hat joldaıdy.

Sondaı-aq ózgerister memlekettik qyzmetshilerdi memlekettik organdarǵa, halyqaralyq jáne ózge de uıymdarǵa issaparǵa jiberý erejelerine de engizildi.

Bul rette issaparǵa jiberilýi múmkin memlekettik qyzmetshiler:

— joldaýshy memlekettik organdaǵy memlekettik qyzmet ótili keminde úsh jyl;
— tártiptik jazaǵa tartylmaǵan;
— ýaqytsha mindetin atqarýshy nemese ýaqytsha joq qyzmetkerdi almastyrýshy emes;
— sońǵy 8 toqsan qatarynan «qyzmettik mindetin tıimdi oryndaıdy» degen qyzmet nátıjesin alǵan;
— QR zańnamasyna, halyqaralyq sharttaryna, halyqaralyq jáne ózge de uıymdardyń jarǵylyq jáne basqa da qujatqa sáıkes biliktilik talaptaryna saı keletin;
— issaparǵa jiberýge jazbasha kelisim bergen bolýy tıis.
Qaýly 2025 jylǵy 18 tamyzdan bastap kúshine endi.