Memlekettik turǵyn úıdi jekeshelendirý: 20 myńnan astam azamat múmkindikti paıdalandy
ASTANA. KAZINFORM — Qazaqstanda turǵyn úı reformasynan keıin jalǵa beriletin baspanany bólý tártibi ózgerdi. Endi páterler azamattyń turǵyn úıge muqtajdar esebine qoıylǵan kúni men otbasy tabysynyń deńgeıine qaraı beriledi.
Bul týraly QR Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Baqytjan Júnisbekov Ortalyq kommýnıkatsııalar qyzmetindegi brıfıngte aıtty.
— Jalǵa beriletin baspana turǵyn úıge muqtaj azamattyń kezekke qoıylǵan kúni men otbasy tabysynyń deńgeıine qaraı bólinedi. Bıylǵy segiz aıda azamattarǵa 12 653 jaldamaly páter berildi, — dedi Baqytjan Júnisbekov.
Onyń aıtýynsha, 2024 jylǵy jeltoqsannan bastap memlekettik turǵyn úı qorynan berilgen baspanany jekeshelendirýge múmkindik berildi. Osy ýaqyt ishinde 20 myńnan astam azamat bul quqyqty paıdalanǵan.
— Bıylǵy segiz aıda 6824 otbasy memlekettik turǵyn úı qorynan berilgen baspanany jekeshelendirdi. Onyń ishinde 3649 otbasy turǵyn úıdi óteýsiz jekeshelendirý múmkindigine ıe boldy, — dedi komıtet tóraǵasy.
Budan bólek, tabysy joq nemese tómen azamattardyń tórt sanatyna turǵyn úıdi jaldaý shyǵyndarynyń bir bóligin memleket sýbsıdııalaıdy. Alaıda baǵdarlama talaptary saqtalmaǵan jaǵdaıda sýbsıdııa tóleý toqtatylady.
Aıta keteıik, jaqynda páter jaldaý sýbsıdııasy qandaı jaǵdaıda toqtatylady.
