Memlekettik tsıfrlyq aktıvter qory qurylady
ASTANA. KAZINFORM – Bıyl mal sharýashylyǵyndaǵy agrobıznesti damytýdyń keshendi jospary qabyldanady. Bul týraly Úkimet otyrysynda Premer-mınıstrdiń orynbasary – Ulttyq ekonomıka mınıstri Serik Jumanǵarın aıtty.
- Tsıfrlyq aktıvterdiń tolyqqandy ekojúıesin qalyptastyrýdy jedeldetý úshin Ulttyq bankpen birlesip, Memlekettik tsıfrlyq aktıvter qoryn qurý josparlanýda. Іske asyrylyp jatqan Baqylaý jáne onyń deńgeıin tómendetý jónindegi sharalar kesheni óndiristi ulǵaıtý, baǵa belgileýdi monıtorıngileý men baqylaý, sondaı-aq basqa da retteýshi sharalar arqyly ınflıatsııany báseńdetý maqsatynda qaıta qaralatyn bolady, - dedi Serik Jumanǵarın.
Vıtse-premerdiń atap ótýinshe, ónerkásiptik negizdi nyǵaıtý úshin sırek kezdesetin jáne basqa da asa tapshy materıaldardy óńdeýge arnalǵan ónimderdi shyǵarý baǵytynda birqatar joba iske asyrylady. Geologııalyq derekterdi tsıfrlandyrý jumystary jalǵasady. Qazirgi ýaqytta olardyń 60 paıyzy tsıfrlandyrylǵan. Jumysty tolyq aıaqtaý 2026 jyldyń sońyna qaraı josparlanǵan.
- Sonymen qatar geologııalyq derekterdi tolyq qamtý úshin jasandy ıntellektti qoldaný arqyly Big Data aqparattyq júıesin qurý jumystary bastaldy. Budan basqa kómirsýtek shıkizatyn tereń óńdeý boıynsha flagmandyq jobalar pýly qalyptastyrylady. Agroónerkásiptik keshendi qoldaý aıasynda 1 trln teńgege 5 ınvestıtsııalyq kelisim jasaldy.
Sondaı-aq, «Agroónerkásiptik keshendegi ınvestıtsııalarǵa tapsyrys» jobasy iske asyrylýda. Úsh jyldyq kezeńde osy bastama aıasynda jalpy somasy 1,2 trln teńgege 200-den astam joba qarjylandyrylatyn bolady, - dedi ol.
Serik Jumanǵarın osy jyldyń sońyna deıin Mal sharýashylyǵyndaǵy agrobıznesti damytýdyń keshendi jospary qabyldanatyndyǵyn aıtady.
- Onyń aıasynda 5 paıyzdyq jeńildetilgen kredıt berý baǵytyn jáne kredıttik ónimder jelisin keńeıtý josparlanǵan. «Damý» qory agrobıznestiń qaryzdaryna 80 paıyzǵa deıin kepildik beretin bolady. Sondaı-aq, jasandy ıntellektini qoldanyla otyryp, Jer resýrstarynyń biryńǵaı tsıfrlyq kartasy ázirlenedi. Aýyl sharýashylyǵyn júrgizý maqsatyndaǵy jerlerdi berýge arnalǵan konkýrstar elektrondy túrde komıssııanyń qatysýynsyz ótkiziledi, - dedi vıtse-premer.
Buǵan deıin Úkimet Joldaýdy iske asyrý josparyn qabyldap, joldaǵy qaýipsizdik máselelerin pysyqtaıtynyn jazǵan edik.