Memlekettik tildi meńgergisi keletin adamdarǵa barynsha jaǵdaı jasaý qajet — Prezıdent

Qasym-Jomart Toqaev memlekettik tildi jetik meńgergen ózge ulttardyń ókilderin aıryqsha atap ótti. Olardyń arasynda qazaq tilin úıretýmen aınalysatyn bilikti mamandar bar.

— Áleýmettik jeli arqyly tilimizdi dáriptep júrgen azamattar da az emes. Mundaı adamdar tilimizdiń damýyna ún qosyp, onyń jarqyn keleshegin naqty ispen jasap jatyr. Solardyń eńbegin biz syılastyqpen, rızashylyqpen qabyldaýymyz kerek, — dedi Memleket basshysy «Qazaq tili» qoǵamynyń H quryltaıynda.

Sońǵy jyldary memlekettik tildi meńgergisi keletin adamdardyń qatary kóbeıip jatyr.

— Olarǵa barynsha jaǵdaı jasaý — bizdiń azamattyq paryzymyz. Qazaq tilin tez ári ońaı úırenýge múmkindik beretin ozyq ádistemeler, sonyń ishinde tsıfrlyq oqý quraldaryn ázirleý qajet. Jalpy, bul másele qoǵamda jıi aıtylyp júr. Osy jumysqa til mamandaryn, aqparattyq tehnologııa salasynyń ókilderin jumyldyrǵan jón. Qazaq tilin biletin adam qazaq halqyn, jalpy Qazaqstandy tanyp-biledi. Tildi meńgergen árbir azamat elimizdiń tarıhy men mádenıetin tereńirek túsinedi, — dedi Prezıdent.

Aıta keteıik, Memleket basshysy Qasym-Jomart Toqaev Halyqaralyq «Qazaq tili» qoǵamynyń H quryltaıynda sóz sóılep jatyr.

Prezıdent qazaq tiliniń abyroı-bedelin arttyrý úshin tabandy jumys isteý kerektigin aıtty.

Jańa Konstıtýtsııada «Táýelsizdik» jáne «Egemendik» sózderin bas árippen jazylatyn boldy.