Memlekettik til taqyrybyndaǵy baıqaýda Kazinform tilshisi júldeger atandy
ASTANA. KAZINFORM — Kazinform halyqaralyq aqparat agenttiginiń analıtıkalyq sholýshysy Móldir Qalymbet «Memlekettik til jáne BAQ» respýblıkalyq baıqaýynda júldeli III orynǵa ıe boldy.
Baıqaýdy QR Ǵylym jáne joǵary bilim mınıstrliginiń Til saıasaty komıteti uıymdastyrdy. Jeńimpazdarǵa júldemen qatar qarjylaı syılyq tabystaldy.
Bıyl baıqaýǵa kásibı jýrnalıster, televızııa jáne radıo qyzmetkerleri, gazet-jýrnaldar men ınternet-basylymdardyń ókilderi, sondaı-aq memlekettik til taqyrybynda materıal ázirlegen mamandar qatysty. Qazylar alqasyna 150-den astam jumys usynyldy.
Baıqaý «Úzdik maqala» jáne «Úzdik tele/radıobaǵdarlama» nomınatsııalary boıynsha ótti. Qatysýshylar memlekettik tildiń qoǵamdaǵy róli, qazaq tiliniń qoldanys aıasyn keńeıtý, zamanaýı medıatehnologııalar, mýltımedıalyq storıtellıng, analıtıkalyq jýrnalıstıka jáne ınnovatsııalyq medıa sheshimderge arnalǵan qazaq jáne orys tilderindegi jumystaryn usyndy.
Jeńimpazdardy anyqtaý kezinde materıaldardyń mazmundyq sapasymen qatar, mýltımedıalyq múmkindikterdi paıdalaný, data-jýrnalıstıka elementteri, zamanaýı medıatásilder, taqyrypty ashý deńgeıi jáne aýdıtorııaǵa yqpaly eskerildi.
Aıta keteıik, «Memlekettik til jáne BAQ» respýblıkalyq baıqaýy bıyl 21-shi ret uıymdastyryldy.
