Memlekettik shyǵystardy tsıfrlandyrý 1,5 trln teńge únemdeýge múmkindik berdi – Tákıev
ASTANA. KAZINFORM – Qazaqstanda memlekettik shyǵystardy tsıfrlandyrý arqyly 2027–2029 jyldarǵa arnalǵan bıýdjetti qalyptastyrý kezinde 1,5 trln teńge kólemindegi shyǵynnyń aldyn aldy. Bul týraly Úkimet otyrysynda Qarjy mınıstri Mádı Tákıev málimdedi.
Mınıstrdiń aıtýynsha, memlekettik shyǵystar bıýdjet qarajatyn josparlaý men memlekettik satyp alýdan bastap, qazynashylyq atqarylý jáne onlaın-monıtorıngige deıingi barlyq kezeńdi qamtıtyn biryńǵaı tsıfrlyq kontýrǵa biriktirildi.
– Bul árbir teńgeniń qozǵalysyn qadaǵalaýǵa jáne onyń paıdalanylý tıimdiligin baǵalaýǵa múmkindik beredi. Bıýdjetti josparlaý kezinde tek fıskaldyq derekterdi paıdalaný esebinen jylyna 200 mlrd teńgege deıin únemdeýge qol jetkizildi, – dedi Mádı Tákıev.
Onyń aıtýynsha, tsıfrlandyrýdyń mańyzdy nátıjeleriniń biri – keıingi baqylaýdan shyǵystardy aldyn ala basqarýǵa kóshý.
– Búginde 2027–2029 jyldarǵa arnalǵan bıýdjetti qalyptastyrý kezinde 1,5 trln teńge somasyndaǵy shyǵystyń aldy alyndy. ıAǵnı tsıfrlandyrý jaı ǵana tıimsiz shyǵystardy anyqtap qana qoımaı, olardyń aldyn alýǵa múmkindik beredi, – dedi mınıstr.
Mádı Tákıevtiń aıtýynsha, kelesi kezeńde memlekettik organdardyń tsıfrlyq sheshimderin shyǵystardy basqarýdyń biryńǵaı júıesine biriktirý josparlanyp otyr.
Qazirdiń ózinde tsıfrlyq jobalar bilim berý, densaýlyq saqtaý, jer qoınaýyn paıdalaný, energetıka, taýarlardy tańbalaý jáne basqa da salalardy qamtıdy.
Sonymen qatar memlekettik qoldaý sharalaryn baqylaýǵa erekshe mán berilip otyr. Ortaq tsıfrlyq júıe aıasynda jyl saıyn jalpy somasy 1 trln teńgeden asatyn 150 memlekettik qoldaý sharasy baqylaýdan ótedi.
– Negizgi maqsat – memlekettik qoldaýdyń naqty baǵyttalýy men tıimdiligin qamtamasyz etý jáne memlekettiń árbir teńgeden qandaı naqty nátıje alatynyn baǵalaý, – dep atap ótti Qarjy mınıstri.
Aıta keteıik, teńgeniń nyǵaıýy bıýdjet kirisin azaıtqan edi.
