Memlekettik qyzmetkerlerdiń oıyn bıznesine tyıym salý petıtsııasyna qajetti daýys jınaldy
ASTANA. KAZINFORM – «E-Petition.kz» resmı portalynda jarııalanǵan «Memlekettik qyzmetkerlerge oıyn bıznesine tyıym salý» petıtsııasyn resmı qaraý úshin qajetti qol jınaldy.
QR APK-niń 90-4-babyna sáıkes, 50 000 qol jınaý shegine jetkennen keıin QR Týrızm jáne sport mınıstrligi ótinishti qaraýǵa qabyldady. Qazaqstan Respýblıkasy APK-niń 90-5-babyna sáıkes ótinishti qaraý merzimi tirkelgen kúnnen bastap 40 jumys kúnine deıin jalǵasady.
QR Týrızm jáne sport mınıstrligi múddeli tulǵalardyń, memlekettik organdardyń jáne qoǵamdyq birlestikterdiń ókilderin qamtıtyn jumys tobynyń qyzmetin uıymdastyrady. Ótinishti qaraý protsesi zań talaptaryna sáıkes ótedi.
Esterińizge salsaq, bul bastamanyń avtory – «Ádildik joly» respýblıkalyq qoǵamdyq birlestiginiń atqarýshy dırektory Dıdar Smaǵulov.
«Sybaılas jemqorlyq, urlyq, qarjy jymqyrý máseleleri sheneýnikterdiń qumar oıyndarǵa qatysty pikirleriniń qalypty ekenin kórsetedi. Alaıda, lýdoman sheneýnikterdiń máselesi áli sheshilmeı tur. Memlekettik qyzmetshilerge, bıýdjettik sala qyzmetkerlerine, áskerı qyzmetkerlerge, Ulttyq qaýipsizdik komıteti, Іshki ister mınıstrligi jáne basqa da kúsh qurylymdary qyzmetkerlerine qumar oıyndarǵa tolyq tyıym salynýy kerek», – degen edi ol petıtsııanyń sıpattamasynda.
