Memlekettik shekarany qorǵaýda qandaı jumys atqaryldy
UQK Shekara qyzmeti memlekettik shekarany kúzetý men qorǵaýdy qamtamasyz etý aıasynda 2023 jylǵy qazanda quzyrly organdarmen ózara árekettese otyryp shekara keńistiginde 5 290 (jyldyń basynan – 25 364) Qazaqstan zańnamasyn buzǵandardy ustady, dep habarlaıdy Kazinform.
Memlekettik shekara arqyly 994 sonyń ishinde 70 esirtki zattaryn, 28 atý qarýy men oq-dáriler (9 dana atý qarýy, 296 dana oq-dáriler, 12 dana sýyq qarý), 27 dinı ádebıet (342 dana), 323 – jalpy somasy 8 mln teńgeden asatyn janar-jaǵarmaı materıaldary (34 800 lıtr), 453 jalpy somasy 1,6 mlrd teńgeden astam halyq tutynatyn taýarlar, 93 jalpy somasy 1 mlrd teńgeden astam valıýtany zańsyz alyp ótý jaǵdaıynyń bolýyna jol berilmedi.
Mamandar Kaspıı akvatorııasynda 74 brakonerlik faktileriniń aldyn aldy. Sondaı-aq jalpy uzyndyǵy 186 km tordy quraıtyn brakonerlik aýlaý quraldary, 5 dana júzý quraly, 698 dana (5 429 kg) bekire tuqymdas balyqtar, 2 575 dana (5 107 kg) usaq tuqymdas balyqtar, 3 700 dana (700 kg) shaıan tárizdiler tárkilendi.
Aldy alynǵan zalal somasy – 1,9 mlrd teńge.
Osy faktiler boıynsha materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberildi.
Memlekettik shekarada qandaı da bir shekteý sharalary engizilgen joq. Barlyq ótkizý pýnktteri shtattyq rejımde jumys istedi.
