Memlekettik satyp alý: jetkizýshiniń qarajat aýdarý qaǵıdasy bekitildi

ASTANA. KAZINFORM — Jańa qaǵıda Qarjy mınıstriniń 2025 jylǵy 30 shildedegi № 412 buıryǵymen bekitildi.

— Elektrondy ámııan — jetkizýshiniń jeke shoty, ony biryńǵaı operator memlekettik satyp alýǵa qatysý kezinde jetkizýshi biryńǵaı operatordyń shotyna aqsha engizgen kezde júrgiziletin operatsııany kórsetý úshin paıdalanady, — delingen qujatta. 

Operatsııalar kelesi jaǵdaımen baılanysty:

— memlekettik satyp alýǵa qatysýǵa ótinimdi qamtamasyz etý;
— sharttyń oryndalýyn qamtamasyz etý;
— avansty qamtamasyz etý (shartta avans kózdelgen jaǵdaıda);
— dempıngke qarsy somany engizý.

Biryńǵaı operator elektrondy ámııandaǵy jalpy soma kóleminiń keminde 70% bank shotynda saqtaý arqyly jetkizýshilerge aqshany úzdiksiz jáne ýaqtyly qaıtarý operatsııasyn oryndaýdy qamtamasyz etedi. Al qalǵan 30% aıdyń sońynda biryńǵaı operatordyń qolma-qol aqshany baqylaý shotyna olardyń saqtalýyn qamtamasyz etý maqsatynda aýdarylady.

Biryńǵaı operatordyń qolma-qol aqshany baqylaý shotyndaǵy qarajat jetkizýshiniń ótinimi boıynsha biryńǵaı operatordyń talaby boıynsha saqtalyp turady. 

Buıryq 2025 jylǵy 16 tamyzdan bastap kúshine enedi. 

Aıta keteıik, memlekettik satyp alý týraly zań shaǵymdy úsh ese azaıtty.