Memlekettik satyp alý týraly zań shaǵymdardy úsh esege azaıtty
ASTANA. KAZINFORM – Bıyl 1 qańtarda «Memlekettik satyp alý týraly» zań kúshine enip, otandyq óndirýshilerdi qoldaý sharalary iske qosylǵan edi. Qarjy mınıstri Mádı Tákıev Úkimet otyrysynda jarty jyldaǵy negizgi nátıjelerdi aıtyp berdi.
− Ótken jylmen salystyratyn bolsaq, birinshiden, sharttar somasynyń kólemi 2 esege ósti. Ekinshiden, berilgen shaǵymdar úsh ese azaıdy. Úshinshiden, otandyq taýar óndirýshilerden satyp alý somasy 2,5 esege, jasalǵan kelisimsharttar sany 43%, ósti. Sondaı-q satyp alý merzimderi 3-6 esege qysqardy, − deıdi Qarjy mınıstri.
Aıta ketsek, búgin Úkimette bıylǵy qańtar-maýsym aılaryndaǵy áleýmettik-ekonomıkalyq damý jáne respýblıkalyq bıýdjettiń atqarylý qorytyndylary qaralyp jatyr.
Buǵan deıin Mádı Tákıev bıylǵy jartyjyldyqta memlekettik bıýdjettiń kiristeri shamamen 11 trln teńgeni nemese jospardyń 106,4% quraǵanyn aıtqan edi.
Sondaı-aq, qaıtarylǵan aktıvterdiń 318,1 mlrd teńgesi áleýmettik jobalarǵa bólindi.
Al Qazaqstannyń memlekettik boryshy 40 mlrd teńgege ulǵaıyp, 31,9 trln teńge boldy.