Memlekettik satyp alý merzimin qysqartqymyz kelip otyr – mınıstr

ASTANA. KAZINFORM – Elimizde memlekettik satyp alýdyń merzimi qysqarýy múmkin. Bul týraly Qarjy mınıstri Mádı Takıev málim etti.

«Qazir memlekettik satyp alý jónindegi zań jobasy Májilistiń qaraýynda. Zań jobasy talqylaýdan ótedi, shynynda da, memlekettik satyp alýǵa qatysty suraq kóp. Jańa zań jobasynda memlekettik aýdıt komıtetiniń konkýrsqa aralasýynan bas tartýdy jón sheshtik. Sonymen qatar memlekettik satyp alýdyń merzimin qysqartqymyz kelip otyr», - dedi Mádı Takıev Úkimet otyrysynan keıin ótken baspasóz máslıhatynda. 

Sondaı-aq, mınıstr atalǵan salada qıyndyq, kedergilerdiń baryn aıtty. 

«Bizdiń basym mindet - shaǵyn jáne orta bıznestiń satyp alýǵa qatysýy úshin, otandyq taýar óndirýshilerge nazar aýdarý. Sondaı-aq, qaraýdaǵy zań jobasynda shaǵyn jáne orta bıznes úshin barlyq taýardyń tizbesin kórsetetin mindetti normatıvtik akt bolady», - deıdi vedomstvo basshysy.