Memlekettik rámizderdi qoldanýdyń kórneki nusqaýlyǵy jasalady
ASTANA. KAZINFORM –Premer-mınıstrdiń orynbasary, Mádenıet jáne aqparat mınıstri Aıda Balaeva Úkimet otyrysynda memlekettik rámizderdi qoldanýdyń biryńǵaı tártibi engiziletinin aıtty.
- Mádenıet jáne aqparat mınıstrligi zańdy jáne jeke tulǵalar úshin memlekettik rámizderdi qoldaný tártibin egjeı-tegjeıli retteýge qatysty jumystardy júrgizedi. Sondaı-aq, normatıvtik aktilerge qajetti ózgerister engizilip, kórneki nusqaýlyqtar daıyndalady. Memleket basshysynyń tapsyrmasy aıasynda memlekettik rámizderge erekshe qurmet kórsetetin azamattardy qosymsha yntalandyrý sharalary ázirlenedi, - dedi Aıda Balaeva.
Vıtse-premer Qazaqstan táýelsizdik tuǵyryn odan ári nyǵaıtýdy kózdeıtin tarıhı beleske ótkenin atap ótti.
- Bul úlken ıdeologııalyq maqsattar men ıgi ister – memlekettiń adamı áleýeti men halyqtyń kúndelikti jaǵdaıynyń turaqtylyǵyn talap etedi. Mine, osy oraıda el Prezıdenti Úkimettiń áleýmettik saıasatyn erekshe atap, bul saladaǵy birinshi kezekte sheshilýi tıis máselelerdi atap ótti.
Eske salsaq, keshe Ulttyq quryltaıdyń aqyrǵy otyrysy ótip, Vıtse-prezıdent laýazymyn qaıta engizý, Konstıtýtsııadaǵy ózgeris, Parlament reformasy sııaqty aýqymdy bastamalar kóterilgen bolatyn.