Memlekettik rámizderdi qoldaný isin jetildirý jónindegi jospar bekitiledi

ASTANA. KAZINFORM – Memlekettik rámizderdi qoldaný isin jetildirý jónindegi keshendi jospar bekitiledi. Bul týraly Májilis depýtattarynyń saýalyna Premer-Mınıstrdiń birinshi orynbasary Roman Sklıardyń jaýabynda aıtylǵan. 

«Bıylǵy oqý jylynan bastap barlyq bilim berý uıymyna «Birtutas tárbıe baǵdarlamasy» engizildi. Baǵdarlama mindetteriniń biri - memlekettik rámizderdi qurmetteýge, el birligin saqtaýǵa tárbıeleý. Sonymen qatar barlyq bilim berý uıymy jyl saıyn 4 maýsym Memlekettik rámizder kúni retinde túrli ımıdjdik is-sharalar ótkizedi. Memlekettik rámizder týraly aýdıo jáne beınerolıkter kórsetilip, oqýshylar men pedagogter arasynda «Qazaqstannyń Týyn qolda», «Meniń Týym – meniń maqtanynshym» atty sondaı-aq «Ánuran oryndaý» chellendjderi uıymdastyrylady», - dep atap ótedi birinshi vıtse-premer.

Onyń atap ótýinshe, Mádenıet jáne aqparat mınıstrligi ákimdiktermen birlesip, turaqty túrde memlekettik rámizderdiń zań talaptaryna sáıkes qoldanylýy jáne ózge de geraldıkalyq máseleler boıynsha respýblıkalyq oqytý semınaryn ótkizip turady.

«Elimizde «Otandy súıý – júrekten» medıajobasy, «Týymyz tórimizde» atty jalpy ulttyq aktsııasy ótkizilýde. Mobıldik baǵdarlama «Aqyl battle» qosymshasyna memlekettik rámizderge arnalǵan arnaýly blok iske qosyldy. Budan bólek Qazaqstandyq patrıotızmdi nasıhattaý jáne memlekettik rámizderdi qoldaný isin jetildirý jónindegi 2024-2026 jyldarǵa arnalǵan keshendi jospar pysyqtalýda. Ol birinshi jartyjyldyqta bekitiletin bolady», - dedi Roman Sklıar.