Memlekettik organdar zańnamamen bekitilgen aqparattyq qaýipsizdik talaptaryn jıi buzady
ASTANA. KAZINFORM – Memlekettik organdar men uıymdar zańnamamen bekitilgen aqparattyq qaýipsizdik talaptaryn jıi buzady. Bul týraly búgin Úkimet otyrysynda Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev aıtty.
– Ótken jyly eldiń kıberqaýipsizdigin kúsheıtý boıynsha birqatar mańyzdy shara qabyldandy. Birinshi basshylardyń jaýapkershiligi engizildi. Azamattardyń derbes derekterin qorǵaý talaptary kúsheıtildi. 1 mln-nan astam adam kıbergıgıenany oqytýmen qamtyldy. Memlekettik organdardarǵa tarıhı turǵyda barynsha kóp tekserý júrgizildi. Nátıjesinde mańyzdy qorytyndyǵa keldik. Memlekettik organdar men uıymdar zańnamamen bekitilgen aqparattyq qaýipsizdik talaptaryn jıi buzady, - dedi vıtse-premer.
Osyǵan oraı Jaslan Madıev ortalyq memlekettik organdar men ákimdikterge aqparattyq qaýipsizdik talaptarynyń saqtalýyna jáne azamattardyń derbes derekteriniń qorǵalýyna baqylaýdy kúsheıtý qajettigin eskertti.
- Memlekettik organdarǵa eskertkim keledi – barlyq talap zańnamamen bekitilgen. Sizderdiń memlekettik organdaryńyzǵa tıesili aqparattyq júıelerden derbes derekterdiń taralyp ketýine jeke-jeke jaýap beresizder, - dedi ol.
Buǵan deıin Premer-mınıstr Oljas Bektenov «Digital Qazaqstan» strategııasyn ázirleýdi jedeldetýdi tapsyrǵanyn jazǵan edik.
