Gov.kz platformasyndaǵy saıttar qaıta isteı bastady

«Ulttyq aqparattyq tehnologııalar» AQ memlekettik organdardyń ınternet resýrstarynyń biryńǵaı platformasy – Gov.kz jumysyndaǵy aqaý úshin keshirim surady, dep habarlaıdy Kazinform.

Búgin tańerteń barlyq mınıstrlik pen ákimdikterdiń resmı saıttary ashylmaı qalǵan edi.

«Memlekettik organdardyń Gov.kz ınternet-resýrstarynyń biryńǵaı platformasynyń jumysy qalpyna keltirildi. Ýaqytsha qolaısyzdyqtar úshin keshirim suraımyz», - dep jazylǵan «UAT» AQ resmı habarlamasynda.

Ortalyqtyń málimetinshe, atalǵan aqaý sebepteri áli anyqtalyp jatyr.

Aıta keteıik, «Ulttyq aqparattyq tehnologııalar» AQ – «Elektrondy úkimettiń» ınfokommýnıkatsııalyq ınfraqurylymynyń jáne memlekettik organdardyń biryńǵaı kólik júıesiniń operatory, sondaı-aq ortalyq jáne óńirlik memlekettik organdardyń aqparattyq júıelerine júıeli jáne tehnıkalyq qyzmet kórsetýdi qamtamasyz etedi.