Memlekettik nagradalar týraly zańǵa tolyqtyrý engizildi
ASTANA. KAZINFORM - Memleket basshysy «Qazaqstan Respýblıkasynyń memlekettik nagradalary týraly» Qazaqstan Respýblıkasynyń Zańyna ózgerister men tolyqtyrý engizý týraly» Qazaqstan Respýblıkasynyń Zańyna qol qoıdy, dep habarlaıdy Aqordanyń baspasóz qyzmeti.
Prezıdent Qasym-Jomart Toqaevtyń bıyl 15 naýryzda Ulttyq quryltaıdyń «Adal adam – Adal eńbek – Adal tabys» atty úshinshi otyrysynda bergen tapsyrmasyna sáıkes «Qazaqstan Respýblıkasynyń memlekettik nagradalary týraly» Zańyna túzetýler engizildi.
Zańda «Aıbyn» ordeniniń dárejelerine dańqty batyrlarymyz Saǵadat Nurmaǵambetovtiń, Baýyrjan Momyshulynyń jáne Raqymjan Qoshqarbaevtyń esimderin berý qarastyrylǵan.
Zań resmı jarııalanǵan kúnnen bastap kúshine enedi.
Zańnyń mátini baspasózde jarııalanady.
