Memlekettik múlik jáne jekeshelendirý komıtetiniń tóraǵasy taǵaıyndaldy

ASTANA. KAZINFORM –  Egemberdy Erǵalı Qýandyquly Qarjy mınıstrligi Memlekettik múlik jáne jekeshelendirý komıtetiniń tóraǵasy bolyp taǵaıyndaldy. Bul týraly Qarjy mınıstrliginyń baspasóz qyzmeti habarlady. 

Qazaq memlekettik zań akademııasyn, L.N. Gýmılev atyndaǵy Eýrazııa ulttyq ýnıversıtetin jáne Boston ýnıversıtetin (AQSh) támamdaǵan. Saıası ǵylymdarynyń kandıdaty.

Eńbek jolyn 1998 jyly Qarjy mınıstrliginiń júıesinde Astana qalasy Qarjy departamentiniń bas mamany bolyp bastaǵan. Astana qalasy Ekonomıka jáne bıýdjettik josparlaý basqarmasynyń basshysy, astananyń «Saryarqa» aýdanynyń ákimi, sonymen qatar Qazaqstan Respýblıkasy Prezıdenti Ákimshiliginiń memlekettik ınspektory, Prezıdent ákimshiliginiń Memlekettik baqylaý jáne uıymdastyrý-aýmaqtyq jumys bólimi meńgerýshisiniń orynbasary bolyp qyzmet atqarǵan.

Sońǵy eki jyl Qarjy mınıstrliginiń Apparat basshysy qyzmetin atqarǵan. 

Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.