Memlekettik mindetin atqaryp júrip qaza tapqandardyń otbasyna bir jylda baspana beriledi – zań jobasy
Búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine turǵyn úı saıasatyn reformalaý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy Kazinform.
«Zań jobasynda azamattardyń keıbir sanattary úshin qoldanystaǵy jeńildikter men basymdyqtardy qaıta qaraý eskerilgen. Máselen, qoldanystaǵy zańnamaǵa sáıkes, azamattardyń belgili bir sanattaryna memlekettik turǵyn úı qorynan baspanany menshigine tegin alý quqyǵy kózdelgen. Sonymen qatar, qoldanystaǵy zańnama aıasynda turǵyn úı alý kezinde birinshi kezek quqyǵy qarastyrylǵan. Qazir kezekte 176 myńǵa jýyq birinshi kezekte turǵyn úı alý quqyǵy bar azamat qamtylǵan (UOS ardagerleri — 51 adam, jetim balalar jáne ata-ana qamqorlyǵynsyz qalǵan balalar — 62,6 myń adam, kópbalaly analar men kópbalaly otbasylar — 113,3 myń adam)», — dedi Ónerkásip jáne qurylys mınıstri Qanat Sharlapaev.
Onyń aıtýynsha, qoldanystaǵy zańnamaǵa sáıkes turǵyn úıdi bólý kezinde onyń kóp bóligi esepke qoıý kúnine qaramastan osyndaı basym quqyǵy bar azamattarǵa beriledi.
Osylaısha bul halyqtyń áleýmettik osal toptarynyń basqa sanattary arasynda narazylyq pen áleýmettik shıelenisti týǵyzady.
«Osy táýekelderdi joıý maqsatynda zań jobasynda kórsetilgen basymdyqtar qaıta qaralady. Ol turǵyn úıdi bólýdiń jańa tásiline baılanysty. Bul prıntsıp halyqtyq áleýmettik jaǵynan osal toptarynyń barlyq sanattary arasynda baspanany ádil bólýge múmkindik beredi», — dedi mınıstr.
Sonymen qatar, zań jobasynda azamattardyń turǵyn úı jaǵdaılaryn jaqsartý maqsatynda mynadaı qosymsha sharalar qarastyrylǵan.
Bul turǵyda jetim balalardyń; kópbalaly otbasylardyń; tolyq emes otbasylardyń; múgedektigi bar bala asyrap otyrǵan otbasy balalarynyń kámeletke tolýyna nemese olardyń qaıtys bolýyna baılanysty mártebesi ózgergen jaǵdaıda olardyń kezektiligin saqtaý eskerilgen.
Munymen qosa, múgedektigi bar balalardy tárbıelep otyrǵan otbasylar úshin turǵyn úı bólý kezinde qosymsha bólme bólý qarastyrylǵan.
«Zań jobasynda sondaı-aq jergilikti atqarýshy organdardyń memlekettik nemese qoǵamdyq mindetin atqarý kezinde qaza tapqan adamdardyń otbasylaryn bir jyldan keshiktirmeı turǵyn úımen qamtamasyz etýi eskerilgen», — dedi mınıstr.
Bul rette memlekettik mindetterdi, áskerı qyzmetti atqarý jáne quqyqtyq tártipti qorǵaý kezinde, sondaı-aq adam ómirin qutqarý kezinde qaza tapqan adamdardyń otbasyn bir jyldan keshiktirmeı turǵyn úımen qamtamasyz etý týraly norma zań jobasyna engizildi.
Budan buryn habarlanǵandaı, zań jobasy aıasynda «Otbasy banki» aktsıonerlik qoǵamy ulttyq damý ınstıtýty bolyp qaıta qurylady.
Oǵan azamattardy esepke qoıý men turǵyn úı bólý jónindegi jergilikti atqarýshy organdardyń fýnktsııalary beriledi.
Baspana kezeginde turǵandarǵa turǵyn úı esepke turǵan kúnine jáne tabys deńgeıine baılanysty beriledi.
«Buǵan qosa, azamattardy turǵyn úı kezegine qoıý kezinde negizgi talaptardyń biri — olardyń menshiginde baspana bolmaýy kerek. Qazir qoldanystaǵy zańnamaǵa sáıkes kezekke turý úshin sońǵy 5 jyl ishinde turǵyn úıi bolmaýy qajet. Muqtaj azamattardy turǵyn úımen qamtamasyz etýdiń jańa tásilderine baılanysty, kezekke jańadan turatyn azamattar úshin osy merzimdi 10 jylǵa deıin ulǵaıtý kózdelgen», — dedi Q. Sharlapev.
Ónerkásip jáne qurylys mınıstri baspana kezegindegi 646 myńnyń 232 myńy nege kezekten shyǵarylatynyn túsindirdi.
