Memlekettik mekemeniń qyzmetkerine zańsyz tekserý júrgizgeni úshin aıyppul salyndy
QYZYLORDA. KAZINFORM — Qyzylorda oblysynyń prokýratýrasy júrgizgen taldaýmen kásipkerlik sýbektisiniń qyzmetin zańsyz tekserý faktisin anyqtady.
Qyzylorda oblysy boıynsha Qyzylorda oblysy memlekettik sáýlet-qurylys baqylaý basqarmasynyń bas mamany tekserý týraly aktisiz Qyzylorda qalasynda ornalasqan qurylys kompanııasynyń qyzmetine zańsyz tekserý júrgizgen.
Tekserý nátıjesimen kásipker Ákimshilik quqyq buzýshylyqtar týraly kodeksiniń 318-baby boıynsha ákimshilik jaýapqa tartylǵan.
Osylaısha, Baqylaý basqarmasynyń qyzmetkeriniń zańsyz áreketi kásipkerdiń quqyqtarynyń buzylýyna ákep soqtyrǵan.
— Oblys prokýratýrasymen bas mamanǵa qatysty ÁQBtK-niń 175-baby 1-bóliginiń 2)-tarmaǵymen ákimshilik is qozǵalyp, sońǵyǵa qatysty sottyń qaýlysymen 55 myń teńge kóleminde ákimshilik aıyppul salyndy, — delingen Qyzylorda oblysy prokýratýrasy habarlamasynda.
Aıta ketelik Bas prokýratýra memleketaralyq izdeýde júrgen kúdiktilerge qatysty túsinik bergen edi.