Memlekettik materıaldyq rezervti ortalyqsyzdandyrýǵa arnalǵan zań qabyldandy

ASTANA. KAZINFORM – Májilis zańnamaǵa azamattyq qorǵaý salasyndaǵy jańashyldyqtarmen jetildiretin zańdy ekinshi oqylymda talqylap, qabyldady. 

Qujatty tanystyrǵan depýtat Aıan Zeınýllın qujattyń negizgi baǵyttaryn atady.

- Zań jobasynyń negizgi normalary azamattyq qorǵaý júıesin kúsheıtý úshin sala qyzmetkerleriniń mártebesin arttyrýǵa, memlekettik materıaldyq rezerv júıesin ortalyqsyzdandyrýǵa, órt qaýipsizdigi salasyndaǵy baqylaýdy qaıta jańǵyrtýǵa, seısmıkalyq qaýipsizdikti qamtamasyz etýge baǵyttalǵan, - dedi ol.

Ekinshi oqylymǵa daıyndyq kezinde depýtattar qujatqa birneshe túzetý engizipti. Olar:

- azamattyq qorǵaý qyzmetkerlerge qyzmettik páterlerdi jekeshelendirý múmkindigin usyný;

- kópshilik mol jınalatyn nysandardyń ıelerin órt saldarynan úshinshi tulǵalarǵa keltirilgen zııan shyǵyndaryn saqtandyrýǵa mindetteý;

- erikti órt sóndirýshilerge eńbek kepildikterin saqtaý;

- erikti órt sóndirýshilerge ótemaqy alý quqyǵyn belgileý;

- ónerkásiptik qaýipsizdik salasyndaǵy memlekettik baqylaý men qadaǵalaýdy kúsheıtý.

Sondaı-aq, búgin jasandy ıntellekt týraly úsh zańnyń jobasy birinshi oqylymda maquldandy.