Memlekettik qurylys jobalary banki jańa tártippen júrgiziledi

Qaǵıdalar mynalardy qamtıdy:

• memlekettik qurylys jobalary bankin qalyptastyrý jáne júrgizý tártibi;

• memlekettik qurylys jobalary bankinen baılanystyrý úshin tıptik jobalar men jobalyq-smetalyq qujattamany usyný tártibi.

Memlekettik bankti qalyptastyrý men júrgizýdiń maqsaty — paıdalanýshylarǵa memlekettik bankte ornalastyrylǵan tıptik jobalar men jobalyq-smetalyq qujattamany baılanystyrý úshin usyný. Tıptik jobalar men jobalyq-smetalyq qujattamany ózge maqsattarda paıdalanýǵa jol berilmeıdi.

Memlekettik bank qyzmetiniń negizgi baǵyttary:

• katalogty qalyptastyrý, júrgizý jáne qoljetimdiligin qamtamasyz etý;

• tıptik jobalar nemese jobalyq-smetalyq qujattamany usyný.

Memlekettik bank «bir tereze» qaǵıdaty boıynsha jobalardy ázirleý men saraptamasyn uıymdastyrý portalynyń bir bóligi.  

Qujatta memlekettik ınvestıtsııalar esebinen jasalǵan sáýlet, qala qurylysy týyndylaryna avtorlardyń múliktik quqyqtary sáýlet, qala qurylysy jáne qurylys isteri jónindegi ýákiletti organ men memlekettik saraptama uıymyna tıesili ekeni aıtylǵan.

Memlekettik bankte memlekettik ınvestıtsııalar esebinen ázirlengen jańa qurylys nysandaryn salýǵa arnalǵan tıptik jobalar men jobalyq-smetalyq qujattama ornalastyrylady.

Memlekettik bankte mynalar ornalastyrylmaıdy:

• keshendi vedomstvodan tys saraptamanyń teris qorytyndysyn alǵan tıptik jobalar nemese jobalyq-smetalyq qujattama;

• memlekettik ınvestıtsııalar esebinen iske asyrylmaıtyn qurylys jobalarynyń jobalyq-smetalyq qujattamasy;

• qupııa nemese «qyzmettik paıdalaný úshin» belgisi bar tıptik jobalar nemese jobalyq-smetalyq qujattama;

• jelilik qurylystar, ınjenerlik jáne (nemese) kólik ınfraqurylymy jobalary;

• azamattyq qorǵanys jobalary;

• ǵarysh ınfraqurylymy jobalary;

• bankter jobalary.

Sonymen qatar, tómendegilerdi kózdeıtin qurylys jobalary da ornalastyrylmaıdy:

• qurylys nysandaryn kúrdeli jóndeý nemese ǵımarattar men qurylystardy restavratsııalaý;

• paıdalanylyp jatqan qurylys nysandaryn rekonstrýktsııalaý, keńeıtý, jańǵyrtý nemese tehnıkalyq qaıta jaraqtandyrý;

• avarııalyq nysandardy buzýdan basqa, qurylys nysandaryn kádege jaratýdan keıingi jumystar;

• qurylysy toqtatylǵan aıaqtalmaǵan nysandardy konservatsııalaý (dekonservatsııalaý).

Keshendi vedomstvodan tys saraptamanyń oń qorytyndysy berilgennen keıin tıptik jobalar men jobalyq-smetalyq qujattamany memlekettik bank operatory 3 jumys kúni ishinde qaǵıdalarǵa sáıkestigi turǵysynan tekseredi. Nátıjesinde olardyń sońǵy nusqalary portalǵa ornalastyrylady.

Memlekettik bankke engizilgen tıptik jobalar men jobalyq-smetalyq qujattama boıynsha mynadaı málimetterdi qamtıtyn katalog qalyptastyrylady:

• ataýy;

• tapsyrys berýshi;

• jobalaý uıymy;

• jobanyń keshendi vedomstvodan tys saraptamasynyń oń qorytyndysynyń nómiri men kúni;

• tehnıkalyq-ekonomıkalyq parametrleri.

Katalogqa qol jetkizý úshin paıdalanýshy portalǵa tirkelip, tıptik jobalarmen jáne (nemese) jobalyq-smetalyq qujattamamen jumys isteý tártibi týraly kelisimge ETsQ arqyly qol qoıýy qajet.

Tıptik jobany nemese jobalyq-smetalyq qujattamany baılanystyrý úshin alý maqsatynda paıdalanýshy portal arqyly ETsQ-men kýálandyrylǵan habarlama joldaıdy.

Tıptik jobany nemese jobalyq-smetalyq qujattamany berý portaldaǵy paıdalanýshynyń jeke kabıneti arqyly avtomatty túrde júzege asyrylady.

Paıdalanýshyǵa jobanyń tıisti bólimderi úshin jaýapty sarapshylardyń elektrondyq tsıfrlyq qoltańbasymen kýálandyrylǵan tıptik joba nemese jobalyq-smetalyq qujattamanyń sońǵy redaktsııadaǵy elektrondyq nusqasy jiberiledi.

Memlekettik bankten tıptik jobalar men jobalyq-smetalyq qujattamany baılanystyrý úshin berý memlekettik saraptama uıymy arqyly tegin negizde júzege asyrylady.

Jobalyq-smetalyq qujattama boıynsha keshendi vedomstvodan tys saraptamanyń oń qorytyndylary memlekettik bankte keminde úsh jyl saqtalatyny belgilendi.

Al tıptik jobalar memlekettik bankte turaqty túrde ornalastyrylyp, saqtalady.

Buıryq 1 shildeden bastap qoldanysqa engiziledi.

Sonymen qatar, 2015 jylǵy memlekettik qurylys jobalary bankin qalyptastyrý jáne júrgizý, sondaı-aq tehnıkalyq-ekonomıkalyq negizdemelerdi, tıptik jobalar men jobalyq (jobalyq-smetalyq) qujattamany usyný qaǵıdalarynyń kúshi joıylady.

Eske sala keteıik, jaqynda elimizde qurylys kúrdeliligin baǵalaýdyń jańa ólshemsharttary bekitildi.