Memlekettik qurylymdardyń múshelerin taǵaıyndaý tek Parlamenttiń kelisimimen júzege asyrylmaq

QYZYLORDA. KAZINFORM — Búgin Ulttyq quryltaıdyń V otyrysynda Memleket basshysy Qasym-Jomart Toqaev mańyzdy memlekettik qurylymdardyń múshelerin taǵaıyndaýǵa qatysty pikir aıtty.

Qoldanystaǵy Konstıtýtsııaǵa sáıkes, Konstıtýtsııalyq Sottyń, Joǵary aýdıtorlyq palatanyń jáne Ortalyq saılaý komıssııasynyń quramyn jasaqtaý quzyreti Májilis, Senat jáne Prezıdent arasynda teńdeı bólingen. 

— Endi osy mańyzdy memlekettik qurylymdardyń barlyq múshesi Parlamenttiń kelisimimen ǵana taǵaıyndalýy qajet degen usynys aıtyldy. Buǵan qosa, Prezıdenttiń usynysy boıynsha Joǵarǵy sottyń barlyq sýdıalaryn saılaý quzyretin joǵary ókildi organ depýtattaryna berý usynyldy, — dedi Qasym-Jomart Toqaev.

Prezıdenttiń paıymynsha, bul bastamalar qazaqstandyq parlamentarızmdi damytýda mańyzdy qadam bolmaq.

Aıta keteıik, Kazinform Memleket basshysynyń Ulttyq quryltaıdaǵy sózin translıatsııalap jatyr. 

Osydan buryn Prezıdent Qazaqstan tarıhyna arnalǵan jańa jeti tomdyq qashan daıyn bolatynyn aıtty.