Memlekettik qupııalardy jarııalaǵan Qarjylyq monıtorıng agenttiginiń qyzmetkeri sottaldy

ASTANA. KAZINFORM – Qarjylyq monıtorıng agenttiginiń qyzmetkeri memlekettik qupııalardy jarııa etkeni úshin sottaldy, dep habarlaıdy Bas kólik prokýratýrasy.

Shymkent qalasynyń qylmystyq ister jónindegi aýdanaralyq sotynyń úkimimen QR QK-niń 185-babynyń 3-bóligi (memlekettik qupııalardy zańsyz jarııa etý) boıynsha azamat K. 5 jylǵa bas bostandyǵynan aıyryldy.

Bul - memlekettiń qaýipsizdigine qater tóndiretin eń aýyr qylmystardyń biri retinde saralandy.

Sot barysynda prokýror qyzmetkerdiń qupııa aqparatty úshinshi tulǵalarǵa bir jyl boıy bergeni týraly senimdi dálelder keltirdi.

«Mundaı qylmystardyń aldyn alý quqyq qorǵaý organdarynyń basym baǵyttarynyń biri bolyp tabylady. Úkim zańdy kúshine endi», - delingen habarlamada.