Memlekettik kitaphanalar men mýzeılerdiń aqyly qyzmet kórsetý qaǵıdalary jańartyldy
ASTANA. KAZINFORM — Mádenıet jáne aqparat mınıstri 2025 jylǵy 10 shildede memlekettik kitaphanalar, mýzeıler jáne mýzeı-qoryqtar tarapynan aqyly qyzmet túrin júzege asyrý qaǵıdalaryn bekitti.
Buıryqqa sáıkes, memlekettik kitaphanalar kórsetetin aqyly qyzmet túrine mynalar jatady:
— barlyq tasymal túri, pishini men standarty boıynsha kóshirmelerdi daıyndaý jáne olardy óńdeý;
— múmkindigi shekteýli jandarǵa arnalǵan materıaldardy ázirleý;
— qujattardy taldamalyq-sıntetıkalyq óńdeý jáne qosymsha bıblıografııa jasaý;
— qoljazbalar, sırek kitaptar men qujattardy qalpyna keltirý;
— kóshpeli aqparattyq-kórmelik is-sharalardy uıymdastyrý;
— bilim berý jáne aýdarma qyzmeti;
— qoljazbalar men qundy kitaptardy saraptamadan ótkizý;
— baılanys operatorynyń kelisimi negizinde ınternet qyzmetin usyný;
— qujattardy elektrondy jetkizý, taqyryptyq aqparatty izdeý jáne jasaý;
— ekskýrsııalyq qyzmet kórsetý, foto jáne beıne túsirilim;
— kitaphana shyǵarǵan oqý-ádistemelik ádebıet pen basqa da quraldardy satý.
Memlekettik mýzeıler men mýzeı-qoryqtardyń aqyly qyzmet túrine mynalar jatady:
— barlyq tasymal túri, pishini men standarty boıynsha kóshirmelerdi daıyndaý jáne óńdeý;
— baılanys operatorynyń kelisimimen ınternet qyzmetin usyný;
— foto jáne beıne túsirilimder júrgizý;
— sývenırlik jáne baspa ónimderin satý;
— mýzeı men mýzeı-qoryqtar shyǵarǵan oqý-ádistemelik basylymdar men ózge de ádebıetterdi satý;
— mýzeı qorynyń materıaldaryn óńdeý, mýzeılik zattar men kollektsııalar týraly aqparat pen anyqtama daıyndaý, sondaı-aq jeke menshik ıeligindegi zattar men kollektsııalar boıynsha jumys.
Qujatta atap kórsetilgendeı:
— Memlekettik kitaphanalar, mýzeıler men mýzeı-qoryqtar usynatyn qyzmet (jumystar, qyzmetter) boıynsha baǵany mádenıet salasyndaǵy ýákiletti organ bekitedi.
Memlekettik kitaphanalar, mýzeıler men mýzeı-qoryqtar kórneki aqparatty qazaq jáne orys tilinde aqparattyq stendke jáne resmı saıttarǵa ornalastyrady:
— atalǵan qaǵıdalardy (qysqartpaı tolyq mátin);
— kórsetiletin qyzmet túriniń tizbesi;
— baǵa preıskýranty.
Memlekettik mekeme nysanynda qurylǵan memlekettik kitaphanalar, mýzeıler men mýzeı-qoryqtar aqyly negizde qyzmet usynǵan kezde:
— tıisti qujattardy (shart, túbirtek, shot-faktýra, qyzmet aktisi, fıskaldy chek) rásimdeıdi;
— kórsetilgen qyzmettiń (istelgen jumys) baǵasy men kólemi kórsetiledi.
Qolma-qol esep aıyrysý memlekettik mekeme nysanynda qurylǵan mekemelerdiń kassasy arqyly, mindetti túrde fıskaldyq jady bar baqylaý-kassalyq mashınany paıdalana otyryp, tutynýshyǵa chek berý arqyly júzege asyrylady. Al qolma-qol emes esep aıyrysý, aǵymdyq esepshotqa aýdarý arqyly júrgiziledi.
Aqyly qyzmet kórsetý kezinde iske asyrý kúni, túri, qujattyń ataýy men sany, jaýapty laýazymdy tulǵanyń aty-jóni kórsetiletin jýrnal (erkin túrde) júrgiziledi.
Memlekettik kitaphanalarǵa túsetin kiris kelesi maqsatqa jumsalady:
— materıaldyq-tehnıkalyq bazany nyǵaıtý;
— qyzmet kórsetý úshin tartylǵan mamandardyń eńbekaqysyn tóleý;
— sharýashylyq shyǵyndardy óteý (baılanys, kólik, elektr, jylý, sý jáne basqa da kommýnaldyq tólemder, aǵymdaǵy maqsatqa qajetti zattar men materıaldar satyp alý);
— kitap qorlaryn tolyqtyrý úshin ádebıetter, elektrondy jınaqtar men derekter bazasyn satyp alý;
— ǵylymı jáne ádistemelik ádebıetter shyǵarý;
— oqý quraldary men kórneki materıaldar satyp alý;
— jeke jáne memlekettik emes zańdy tulǵalardyń tapsyrysy boıynsha trenıngter, semınarlar, konferentsııalar ótkizý;
— ádebı keshter, kórmeler, prezentatsııalar, baıqaýlar, kitap kúnderi, festıvalder ótkizý;
— blankiler, kitapshalar, avtoreferattar, oqyrman bıletteri, talap paraqtary, muqaba basý, qaptaý sııaqty ónimderdi ázirleý;
— kitaphana basylymdaryn, dybys, beınejazbalardy, fonogrammalardy taratý;
— kitaptardy, jýrnaldardy jóndeý, qalpyna keltirý jáne túpteý;
— foto-, kıno-, beınetúsirilim, kitaptar men merzimdi basylymdardan materıaldardy mıkrokóshirý;
— mádenı muralar men tarıhı-mádenı eskertkishterdi qalpyna keltirý.
Memlekettik mýzeıler men mýzeı-qoryqtarǵa túsetin kirister myna baǵyttarda paıdalanylady:
— materıaldyq-tehnıkalyq bazany nyǵaıtý;
— aqyly qyzmet kórsetýge tartylǵan mamandardyń eńbekaqysyn tóleý;
— sharýashylyq shyǵyndardy óteý (baılanys, kólik, elektr, jylý, sý taǵy sol sııaqty);
— jeke jáne memlekettik emes zańdy tulǵalardyń tapsyrysy boıynsha oqytý úshin oqý quraldary men kórneki materıaldar satyp alý, ǵımarat jaldaý.
Buıryq 2025 jylǵy 26 shildede kúshine enedi.
Jyl basynda memlekettik kitaphanalarda bilim berý jáne mádenı is-sharalardy aqyly ótkizý quqyǵyn berý múmkindigi týraly habarlaǵan edik.