Memlekettik kirister organdarynyń atynan qońyraý shalatyn alaıaqtar kóbeıgen
ASTANA. KAZINFORM - MKK memlekettik kirister organdarynyń atynan qońyraý shalatyn alaıaqtarǵa qatysty eskertý jasady.
«Alaıaqtar burynnan belgili shema boıynsha áreket etedi-salyq tóleýshiniń salyqtyq haty bar nemese shoty buǵattalǵan dep málimdeıdi. Máseleni sheshý jáne aıyppuldardy boldyrmaý úshin betpe-bet kezdesýge onlaın brondaý usynylady. Sodan keıin kodty 1414 nómirinen jábirlenýshiniń telefonyna jiberedi jáne brondaý protsesin aıaqtaý úshin kodty jazýdy suraıdy», - dep jazylǵan Memlekettik kirister komıtetiniń habarlamasynda.
Memlekettik kirister komıteti salyq tóleýshilerge jeke málimetterin eshkimge bermeýdi eskertedi.
Sondaı-aq MKK qyraǵylyq tanytýǵa jáne jalǵan habarlamalarǵa senbeýge, kúmándi siltemelerge ótpeýge, aqsha aýdarýǵa, alynǵan habarlamalardyń durystyǵyn tekserýge keńes beredi.
